കൊച്ചി: വിവാഹബന്ധം വേര്‍പെടുത്തുന്നതിന് നോട്ടീസയച്ച ഭാര്യയെ കുത്തിപ്പരിക്കേല്‍പ്പിച്ച കേസില്‍ ഭര്‍ത്താവും സുഹൃത്തുക്കളും അറസ്റ്റില്‍. ഹരിപ്പാട് സ്വദേശി സന്തോഷ്, സുഹൃത്തുക്കളായ നിസാം, രഞ്ജിത്ത് എന്നിവരാണ് പൊലീസിന്റെ പിടിയിലായത്. ഇവര്‍ക്കെതിരെ വധശ്രമത്തിനും ഗൂഢാലോചനയ്ക്കുമാണ് കേസെടുത്തിരിക്കുന്നത്. 

കൊച്ചിയിലെ സ്വകാര്യ ആശുപത്രി ജീവനക്കാരിയായ യുവതിയെ ജോലിസ്ഥലത്ത് നിന്നും വിളിച്ചിറക്കിയാണ് സന്തോഷ് കുത്തിയത്. ഗുരുതരമായി പരിക്കേറ്റ യുവതി അപകടനില തരണം ചെയ്തു.

വീട്ടുകാരുടെ എതിര്‍പ്പിനെ മറികടന്നാണ് സന്തോഷിനെ യുവതി വിവാഹം ചെയ്തത്. കുറച്ച് നാളായി രണ്ടാളും അകന്ന് കഴിയുകയായിരുന്നു. തുടര്‍ന്നാണ് വിവാഹ ബന്ധം വേര്‍പെടുത്തുന്നതിനായി യുവതി നോട്ടീസ് അയച്ചത്.