ഇടുക്കി; ഇടുക്കി തേക്കടിയിലെ സ്വകാര്യ ഹോംസ്‌റ്റേയില്‍ മൂന്ന് പേരെ മരിച്ച നിലയില്‍ കണ്ടെത്തി. കൊല്ലം സ്വദേശിയായ വിഷ്ണു, ഭാര്യ ജീവ, ജീവയുടെ അമ്മ എന്നിവരാണ് മരിച്ചത്. തൂങ്ങിമരിച്ച നിലയിലാണ് ഇവരുടെ മൃതദേഹങ്ങള്‍. ഇവര്‍ ഒരുമാസമായി ഇവിടെ താമസിച്ചുവരികയായിരുന്നു. ആത്മഹത്യയാണെന്നാണ് പ്രാഥമിക നിഗമനം. 

ഒരു മാസമായി സ്വകാര്യ ഹോം സ്‌റ്റേയില്‍ ഇവര്‍ റൂമെടുത്ത് താമസിക്കുകയായിരുന്നു. ഇവിടെ വീട് വാങ്ങി താമസിക്കാന്‍ വേണ്ടിയാണ് ഇങ്ങോട്ട് വന്നതെന്നാണ് ഇവര്‍ ഹോം സ്‌റ്റേയില്‍ റൂമെടുക്കുമ്പോള്‍ പറഞ്ഞത്. ഇന്‍ക്വസ്റ്റ് നടപടികളെല്ലാം പൊലീസ് പൂര്‍ത്തിയാക്കി. മൂന്ന് പേരുടെയും മൃതദേഹം പോസ്റ്റ്‌മോര്‍ട്ടത്തിനായി കോട്ടയത്തേക്ക് കൊണ്ട് പോകും.