കൊച്ചി: നടിയെ ആക്രമിക്കാന്‍ ദിലീപ് ശ്രമിക്കുമെന്ന് സിനിമ രംഗത്തെ കൂടുതല്‍ പ്രമുഖര്‍ക്ക് അറിയാമായിരുന്നുവെന്ന് പൊലീസ്. ഇക്കാര്യത്തെക്കുറിച്ച് ധാരണയുണ്ടായിരുന്ന അഭിനേതാക്കളുടെ ഉള്‍പ്പെടെ പട്ടിക അന്വേഷണ സംഘം തയ്യാറാക്കി. ഇവരെ ചോദ്യം ചെയ്യും.

ദിലീപും ആക്രമിക്കപ്പെട്ട നടിയുമായി ഉണ്ടായിരുന്ന ശത്രുത സിനിമാ രംഗത്ത് സജീവ ചര്‍ച്ചയായിരുന്നുവെന്നാണ് പൊലീസ് പറയുന്നത്. എന്നാല്‍ നടി ആക്രമിക്കപ്പെട്ടതിന് ശേഷം ഇതേപ്പറ്റിയുള്ള ചര്‍ച്ചകള്‍ സിനിമ പ്രവര്‍ത്തകര്‍ അവസാനിപ്പിക്കുകയായിരുന്നു. 

ഇരുവരും തമ്മിലുളള വ്യക്തിപരമായ പ്രശ്‌നങ്ങള്‍ക്കുറിച്ചുളള അറിവിനപ്പുറം, ദിലീപ് ഏതെങ്കിലും തരത്തില്‍ ഏതെങ്കിലും തരത്തില്‍ നടിയെ ആക്രമിക്കാന്‍ സാധ്യതയുണ്ടെന്ന കാര്യം സിനിമയിലെ പല പ്രമുഖര്‍ക്കും അറിയാമായിരുന്നെന്ന സൂചനയാണ് ഇപ്പോള്‍ അന്വേഷണ സംഘത്തിനു ലഭിച്ചിരിക്കുന്നത്. ഇതനുസരിച്ച് പ്രമുഖ താരങ്ങളേയും സംവിധായകരേയും അണിയറ പ്വര്‍ത്തകരേയും ഒക്കെ പൊലീസ് ഉടനെതന്െ ചോദ്യം ചെയ്യും.