തിരുവനന്തപുരം : ലോക്‌സഭാ തെരഞ്ഞെടുപ്പില്‍ നാമനിര്‍ദേശ പത്രിക സമര്‍പ്പിക്കാനുള്ള സമയം നാളെ അവസാനിക്കും. സംസ്ഥാനത്ത് ഇതുവരെ 113 നാമനിര്‍ദേശ പത്രികകളാണ് സമര്‍പ്പിക്കപ്പെട്ടിട്ടുള്ളത്. ഇന്നലെ മാത്രം 29 പത്രികകള്‍ സമര്‍പ്പിച്ചു. 

വടകരയില്‍ അഞ്ചും കണ്ണൂര്‍, തൃശൂര്‍ മണ്ഡലങ്ങളില്‍ മൂന്നും പൊന്നാനി, വയനാട്, മലപ്പുറം, പാലക്കാട്, എറണാകുളം മണ്ഡലങ്ങളില്‍ രണ്ടും പത്രികകള്‍ ലഭിച്ചു. കോഴിക്കോട്, ചാലക്കുടി, ഇടുക്കി, കോട്ടയം മാവേലിക്കര, കൊല്ലം, ആറ്റിങ്ങള്‍, തിരുവനന്തപുരം എന്നിവിടങ്ങളില്‍ ഓരോ പത്രികയും സമര്‍പ്പിച്ചിട്ടുണ്ട്. 

പത്രിക സമര്‍പ്പിക്കാനുള്ള സമയപരിധി നാളെ വൈകീട്ട് മൂന്നുമണിക്ക് അവസാനിക്കും. ഈ മാസം അഞ്ചിനാണ് സൂക്ഷ്മപരിശോധന. എട്ടാം തീയതി വരെ നാമനിര്‍ദേശ പത്രിക പിന്‍വലിക്കാം. കേരളത്തില്‍ ഏപ്രില്‍ 23 നാണ് വോട്ടെടുപ്പ്.