തിരുവനന്തപുരം: നാളെ മുതല്‍ ക്ലബ്ബുകള്‍ വഴി മദ്യവില്‍പ്പനയ്ക്ക് സര്‍ക്കാര്‍ ഉത്തരവ്. ക്ലബ് അംഗങ്ങള്‍ക്ക് മാത്രം മദ്യം പാര്‍സലായി വില്‍ക്കാം. ഇത് സംബന്ധിച്ച് വിദേശമദ്യ ചട്ടങ്ങളില്‍ സര്‍ക്കാര്‍ ഭേദഗതി വരുത്തി. സംസ്ഥാനത്ത് 42 ക്ലബ്ബുകള്‍ക്കാണ് ബാര്‍ ലൈസന്‍സുള്ളത്. വിദേശമദ്യ ചട്ടത്തിലെ 13 4(എ)യിലാണ് ഭേദഗതി വരുത്തിയത്.
ക്ലബ്ബുകളില്‍നിന്നു മദ്യം പാഴ്‌സലായി നല്‍കാന്‍ അനുമതിയുണ്ടായിരുന്നില്ല. കോവിഡ് ബാധയെത്തുടര്‍ന്നു ക്ലബ്ബുകള്‍ അടച്ചിട്ടതോടെയാണ് പ്രത്യേക കൗണ്ടറുകള്‍ വഴി അംഗങ്ങള്‍ക്ക് മദ്യം പാഴ്‌സലായി വിതരണം ചെയ്യാന്‍ സര്‍ക്കാര്‍ തീരുമാനിച്ചത്. രാവിലെ 9 മുതല്‍ 5 മണിവരെയായിരിക്കും പ്രവര്‍ത്തനം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates