ന്യൂഡല്‍ഹി: തൃശൂര്‍ ചാലക്കുടിയിലെ നിറ്റ ജെലാറ്റിന്‍ കമ്പനിക്ക് പ്രവര്‍ത്തിക്കാന്‍ ദേശീയ ഹരിത ട്രൈബ്യൂണല്‍ ഉപാധികള്‍ നിശ്ചയിച്ചു. കമ്പനിയിലെ മാലിന്യങ്ങള്‍ ആറു മാസത്തിനുള്ളില്‍ നീക്കം ചെയ്യണമെന്നാണ് പ്രധാന ഉപാധി. ചാലക്കുടിപ്പുഴയുടെ അടിത്തട്ടിലുള്ള പൈപ്പുകള്‍ മുകളിലേക്കു കൊണ്ടുവരണം എന്നത് ഉള്‍പ്പെടെ ഇരുപത്തിയഞ്ച് ഉപാധികളാണ് ഹരിത ട്രൈബ്യൂണല്‍ മുന്നോട്ടുവച്ചിട്ടുളളത്.

നിറ്റ ജെലാറ്റിന്‍ കമ്പനിയുടെ പ്രവര്‍ത്തനം പ്രദേശത്ത് വന്‍ മാലിന്യ പ്രശ്‌നത്തിന് ഇടയാക്കുന്നുവെന്നാണ് പരാതി. കമ്പനിക്കെതിരെ ഏറെ നാളായി നാട്ടുകാരുടെ പ്രക്ഷോഭം നടന്നുവരികയാണ്. പഞ്ചായത്ത് ലൈസന്‍സ് പുതുക്കി
നല്‍കാത്തതിനെത്തുടര്‍ന്ന് കമ്പനി കോടതി ഇടപെടലിനെത്തുടര്‍ന്നാണ് പ്രവര്‍ത്തിക്കുന്നത്.