കൊച്ചി: ശബരിമല കേസില് സുപ്രിംകോടതി വിധി സ്വാഗതം ചെയ്യുന്നുവെന്ന് ബിജെപി. വിശാല ബെഞ്ചിന് വിട്ടത് പുനഃപരിശോധന ഹര്ജികള് നിലനില്ക്കുന്നു എന്നതിന് തെളിവാണ്. അവിശ്വാസികളെ കയറ്റാന് ശ്രമിച്ചാല് ശക്തമായ പ്രത്യാഘാതമുണ്ടാകുമെന്നും ബിജെപി നേതാവ് എം ടി രമേശ് പറഞ്ഞു.
ശബരിമല കേസ് സുപ്രിംകോടതി വിശാല ബെഞ്ചിന് വിട്ട സാഹചര്യത്തില് സ്റ്റേ ഇല്ലെന്ന കാരണത്താല് ആക്ടിവിസ്റ്റുകളെ ശബരിമലയില് കയറ്റാന് പിണറായി വിജയന് ശ്രമിക്കരുതെന്ന് ബിജെപി വക്താവ് ബി ഗോപാലകൃഷ്ണന് ആവശ്യപ്പെട്ടു.
കോടതിയില് സ്റ്റേ ഇല്ല എന്നതിന്റെ പേരില് അതിന് ശ്രമിച്ചാല് അത് വിശ്വാസികള് അനുവദിക്കില്ല. പന്ത് പിണറായിയുടെ കോര്ട്ടിലാണ്. പിണറായി സൂത്രപണിക്ക് ശ്രമിക്കരുത്. പുനപരിശോധന ഹര്ജി കോടതി അംഗികരിച്ചതിന് തുല്യമാണ് ഈ വിധിയെന്നും അദ്ദേഹം പറഞ്ഞു.
വീണ്ടും കള്ളക്കളിക്ക് ശ്രമിച്ചാല് ശക്തമായ പ്രക്ഷോഭം നടക്കും. മുസ്ലീം സ്ത്രീകളുടെ പള്ളി പ്രവേശന കാര്യത്തലും സര്ക്കാര് അഭിപ്രായം പറയണമെന്നും ഗോപാലകൃഷ്ണന് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates