ആലപ്പുഴ; പാചകത്തിനിടെ പ്രഷർ കുക്കർ പൊട്ടിത്തെറിച്ച് വീടിന്റെ മേൽക്കൂര തകർന്നു​. ആലപ്പുഴ തുറവൂരിൽ ഇന്നലെ വൈകിട്ടോടെയാണ് അപകടമുണ്ടായത്. ചന്തിരൂർ തൈ വീട്ടിൽ ചന്ദ്രന്റെ വീട്ടിലെ അടുക്കളയിലെ ഷീറ്റു മേഞ്ഞ മേൽക്കൂരയാണ് തകർന്നത്. വൻ ശബ്ദത്തോടെ കുക്കറിന്റെ മേൽഭാഗം തെറിച്ചു പോകുകയായിരുന്നു. അപകടത്തിൽ ഗ്യാസ് സ്റ്റൗവിനും കേടുപാട് സംഭവിച്ചു. അടുക്കളയിൽ ഉണ്ടായിരുന്നവർ പരുക്കേൽക്കാതെ രക്ഷപ്പെട്ടു.