പിറവം: പിറവം ടൗണിൽ വയോധികനെ സിമന്‍റ് കട്ട ഉപയോ​ഗിച്ച് തലക്ക് ഇടിച്ചു കൊലപ്പെടുത്തിയ സംഭവത്തിൽ രണ്ടു പേർ അറസ്റ്റിൽ. ഇവരുടെ പേര് വിവരങ്ങൾ ലഭ്യമായിട്ടില്ല. ഇന്ന് രാവിലെയാണ് ഇരുവരെയും പൊലീസ് കസ്റ്റഡിയിലെടുത്ത് ചോദ്യം ചെയ്തതിന് ശേഷമാണ് അറസ്റ്റ് രേഖപ്പെടുത്തിയത്.

എടയ്ക്കാട്ടുവയൽ പഞ്ചായത്തിൽ പാർപ്പാംകോട് കണ്ടംകരിക്കൽ കൃഷ്ണൻകുട്ടി (70) ആണ് മരിച്ചത്. പുലർച്ചെയാണ് പിറവം ടൗണിൽ മാർക്കറ്റ് ഷോപ്പിംഗ് കോംപ്ലക്സിന് മുന്നിൽ ഇയാളുടെ മൃതദേഹം കണ്ടെത്തിയത്. സിമന്‍റ് കട്ടയ്ക്ക് തലയ്ക്ക് ഇടിയേറ്റ് മരിച്ച നിലയിലായിരുന്നു മൃതദേഹം. നടപടികൾ പൂർത്തിയാക്കി പോലീസ് മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.