ന്യൂഡൽഹി: പ്ര​ള​യ​പു​ന​ർ​നി​ർ​മാ​ണ​ത്തി​ന്​ ജി.​എ​സ്.​ടി​ക്കു​മേ​ൽ ഒ​രു ശ​ത​മാ​നം പ്രളയസെസ് ഏ​ർ​പ്പെ​ടു​ത്താൻ ജിഎസ്ടി കൗൺസിൽ അനുമതി. രണ്ടുവർഷത്തേയ്ക്ക് സെസ് ചുമത്താനാണ് ജിഎസ്ടി കൗൺസിൽ അനുമതി നൽകിയത്. സെസ് ചുമത്താൻ അനുവദിക്കാമെന്ന മന്ത്രിതല സമിതിയുടെ ശുപാർശ അം​ഗീകരിച്ചാണ് കൗൺസിൽ തീരുമാനം. 

സെസ് ചുമത്തുന്നതുവഴി ര​ണ്ടു​വ​ർ​ഷം കൊ​ണ്ട്​  1500-1800 കോ​ടി രൂ​പ സം​സ്​​ഥാ​ന​ത്തി​ന്​ സ​മാ​ഹ​രി​ക്കാ​നാ​കു​മെ​ന്നാണ് വി​ല​യി​രു​ത്ത​ൽ. ഉ​പ​ഭോ​ക്​​തൃ സം​സ്​​ഥാ​ന​മെ​ന്ന​നി​ല​യി​ൽ  മ​റ്റ്​ സം​സ്​​ഥാ​ന​ങ്ങ​ളി​ൽ​നി​ന്നു​ള്ള വാ​ങ്ങ​ൽ​ശേ​ഷി​യാ​ണ്​ സെ​സ്​ വ​രു​മാ​ന​ത്തി​ന്​ അ​നു​ഗ്ര​ഹ​മാ​കു​ക. 

ഏ​തെ​ല്ലാം ഉ​ൽ​പ​ന്ന​ങ്ങ​ൾ​ക്ക്​ സെ​സ്​ ഏ​ർ​പ്പെ​ടു​ത്താ​മെ​ന്ന​ത്​ സം​ബ​ന്ധി​ച്ച്​ സ​ർ​ക്കാ​റി​ന്​ അ​ധി​കാ​രം ന​ൽ​കും വി​ധ​മാ​ണ്​ ഉ​പ​സ​മി​തി​യു​ടെ ശുപാ​ർ​​ശ. ഇക്കാര്യത്തിൽ കൗൺസിലിൽ ധാരണയായോ എന്നത് സംബന്ധിച്ച് വ്യക്തമായിട്ടില്ല. നി​ല​വി​ൽ പ്ര​തി​വ​ർ​ഷം 8000-9000 കോ​ടി​യാ​ണ്​ എ​സ്.​ജി.​എ​സ്.​ടി​യാ​യി സം​സ്​​ഥാ​നം പ്ര​തീ​ക്ഷി​ക്കു​ന്ന​ത്. ഇ​തി​നെ അ​ടി​സ്​​ഥാ​ന​പ്പെ​ടു​ത്തി​യു​ള്ള പ്രാ​ഥ​മി​ക വി​ല​യി​രു​ത്ത​ൽ​മാ​ത്ര​മാ​ണ്​ സെ​സ്​ വ​രു​മാ​ന​​ത്തി​ലു​മു​ള്ള​ത്. 

അ​തേ​സ​മ​യം സെ​സ്​ ഏ​ർ​പ്പെ​ടു​ത്തു​ന്ന​തി​ന്​ പി​ന്നാ​ലെ വി​ല​ക്ക​യ​റ്റ​ഭീ​തി​യും ശ​ക്ത​മാ​യി​ട്ടു​ണ്ട്. നി​ല​വി​ലെ തീ​വി​ല​യ്​​ക്ക്​ പി​ന്നാ​ലെ സെ​സ്​ കൂ​ടി ചേ​രു​േ​മ്പാ​ൾ സാധാരണക്കാരന് കനത്ത ഭാരമുണ്ടാകുമെന്നാണ് വിലയിരുത്തല്‍.