കൊച്ചി: നെടുമ്പാശ്ശേരി വിമാനത്താവളത്തില്‍ നാളെ മോക്ഡ്രില്‍ നടത്താന്‍ തീരുമാനം. കോവിഡ് വ്യാപനത്തിന്റെ പശ്ചാത്തലത്തില്‍ നാട്ടിലേക്ക് വരാനിരിക്കുന്ന പ്രവാസികളെ കൊണ്ടുവരുന്നതിനുള്ള തയ്യാറെടുപ്പുകളുടെ ഭാഗമായാണ് മോക്ഡ്രില്‍. പ്രവാസികള്‍ കൂട്ടത്തോടെ എത്തിയാല്‍ സ്വീകരിക്കേണ്ട സുരക്ഷാ മാര്‍ഗങ്ങളും സ്‌ക്രീനിങ്ങും നാളത്തെ മോക്ഡ്രില്ലില്‍ വിശദീകരിക്കും. 

നേരത്തെ, പ്രവാസികളെ നാട്ടിലത്താന്‍ സംസ്ഥാനം തയ്യാറാണെന്ന് സര്‍ക്കാര്‍ വ്യക്തമാക്കിയിരുന്നു. എന്നാല്‍ പ്രവാസികളെ കൊണ്ടുവരുന്ന കാര്യത്തില്‍ കേന്ദ്രസര്‍ക്കാര്‍ അനുകൂല നിലപാട് സ്വീകിരിച്ചിട്ടില്ല. 

കേരളത്തെ മാത്രം പ്രത്യേതം പരിഗണിക്കാനാവില്ലെന്ന് കേന്ദ്രം ഹൈക്കോടതിയില്‍ അറിയിച്ചിരുന്നു. ക്വാറന്റൈന്‍ സംവിധാനങ്ങള്‍ ഒരുക്കാതെ പ്രവാസികളെ നാട്ടിലേക്ക് കൊണ്ടുവരാന്‍ സാധിക്കില്ലെന്നാണ് കേന്ദ്രത്തിന്റെ നിലപാട്.