കൊല്ലം: പ്രായപൂര്‍ത്തിയാകാത്ത  വിദ്യാര്‍ഥിനിക്കു നേരെ ലൈംഗിക അതിക്രമം നടത്തിയ പ്രതി അറസ്റ്റില്‍. മുപ്പതുകാരനായ ജെയിംസാണ് പിടിയിലായത്.

കൊല്ലം കടപ്പാക്കട ഹരിശ്രീ നഗര്‍ സ്വദേശിയാണ് പിടിയിലായത്. കുണ്ടറ പൊലീസാണ് അറസ്റ്റ് ചെയ്തത്.  ഇയാള്‍ പെണ്‍കുട്ടിയെ ലൈംഗിക അതിക്രമത്തിന് ഇരയാക്കാന്‍ ശ്രമിക്കുകയും നിരന്തരം ഫോണില്‍ വിളിച്ച് ശല്യം ചെയ്യുകയും പതിവായിരുന്നെന്ന് പൊലീസ് പറയുന്നു

കുണ്ടറ എസ് ഐ വിദ്യാധിരാജ്, സിപിഓ മാരായ റിജു, സിബി എന്നിവര്‍ ചേര്‍ന്നാണ് പ്രതിയെ പിടികൂടിയത്.  പോക്‌സോ കേസ് ഉള്‍പ്പെടെയുള്ള വകുപ്പുകള്‍ ചുമത്തിയാണ് ഇയാളെ അറസ്റ്റ് ചെയ്തത്.