കൊച്ചി : സംസ്ഥാനത്ത് ഈ മാസം 16 മുതല്‍ അനശ്ചിതകാല സ്വകാര്യബസ് സമരം ആരംഭിക്കുമെന്ന് ബസ്സുടമകള്‍. യാത്രാനിരക്ക് അടിയന്തരിമായി വര്‍ധിപ്പിക്കണമെന്നും ഉടമകള്‍ ആവശ്യപ്പെട്ടു. ബസ്സുടകമകള്‍ക്ക് മുഖ്യമന്ത്രി നല്‍കിയ വാക്ക് പാലിക്കാത്ത സാഹചര്യത്തിലാണ് 16 മുതല്‍ അനശ്ചിതകാല ബസ്സ്‌സമരം ആരംഭിക്കുന്നതെന്നും ഉടമകള്‍ വ്യക്തമാക്കി.

നേരത്ത  അനിശ്ചിതകാല സ്വകാര്യബസ് സമരം മുഖ്യമന്ത്രി പിണറായി വിജയനുമായി നടത്തിയ ചര്‍ച്ചയെ തുടര്‍ന്ന് മാറ്റിവെച്ചിരുന്നു. നിരക്കുവര്‍ധന ഉള്‍പ്പടെയുള്ള ആവശ്യങ്ങള്‍ എത്രയും വേഗം അനുഭാവപൂര്‍വം പരിഗണിക്കാമെന്ന് മുഖ്യമന്ത്രി ഉറപ്പുനല്‍കിയതിനെ തുടര്‍ന്നാണ്  സമരം മാറ്റിവെച്ചതെന്നായിരുന്നു അന്ന് ബസുടമകള്‍ പറഞ്ഞത്‌. 

മിനിമം ചാര്‍ജ് 10 രൂപ ആക്കണമെന്ന് ആവശ്യപ്പെട്ടാണ് സമരം. ഇന്ധനവിലയിലും സ്‌പെയര്‍പാര്‍ട്‌സുകളിലും ഉണ്ടാകുന്ന വില വര്‍ധനയ്ക്ക് ആനുപാതികമായി മിനിമം ചാര്‍ജിലും വര്‍ധന വേണെമെന്നായിരുന്നു ആവശ്യം. മൂന്ന് കൊല്ലം മുമ്പാണ് നിരക്ക് പരിഷ്‌കരിച്ചത്. കാലാനുസൃതമായി നിരക്ക് വര്‍ധിപ്പിക്കണമെന്നാണ് ബസുടമകളുടെ ആവശ്യം.