തിരുവനന്തപുരം; ഫേയ്‌സ്ബുക് കൂട്ടായ്മയിലൂടെ വൈന്‍ വിറ്റതിന് തിരുവനന്തപുരം സ്വദേശി അറസ്റ്റില്‍. വീട്ടില്‍ നിര്‍മിച്ച വൈന്‍ അനധികൃതമായി വില്‍പ്പന നടത്തിയതിനാണ് മ്യൂസിയം ലെനിന്‍ നഗര്‍ വിശാഖം ഹൗസില്‍ മൈക്കിള്‍ ഗില്‍ഫ്രഡ്(56) അറസ്റ്റിലായത്. 'അനന്തപുരിയിലെ രുചിക്കൂട്ടായ്മ' എന്ന ഫേയ്‌സ്ബുക് ഗ്രൂപ്പിലൂടെ മൈക്കിളിന്റെ മകള്‍ ലിന്‍ഡയാണ് വൈന്‍ വില്‍പ്പന നടത്തിയത്. 

650 മില്ലിലീറ്ററിന് 650 രൂപ നിരക്കിലാണ് വൈന്‍ വിറ്റത്. മൈക്കിളാണ് വൈന്‍ തയാറാക്കിയിരുന്നതെന്ന് എക്‌സൈസ് സിഐ ടി.അനികുമാര്‍ പറഞ്ഞു. ഇവരുടെ വീട്ടില്‍ നിന്ന് 106 കുപ്പി വൈന്‍ എക്‌സൈസ് പിടിച്ചെടുത്തു. മദ്യത്തെ പ്രോത്സാഹിപ്പിക്കുന്നതിന്റെ പേരില്‍ വിവാദമായ ഫേയ്‌സ്ബുക്ക് ഗ്രൂപ്പായ 'ഗ്ലാസിലെ നുരയും പ്ലേറ്റിലെ കറിയുടേയും (ജിഎന്‍പിസി)' മോഡറേറ്ററാണ് മൈക്കിളിന്റെ മകള്‍ ലിന്‍ഡ.