ത്രിപുരയില്‍ സിപിഎം പ്രവര്‍ത്തകര്‍ക്കും ഓഫീസികള്‍ക്കും നേരെ നടക്കുന്ന ബിജെപി ആക്രമണങ്ങളില്‍ പ്രതിഷേധം രേഖപ്പെടുത്തി സിപിഐ സംസ്ഥാന സെക്രട്ടറി കാനം രാജേന്ദ്രന്‍. 

കേന്ദ്ര ഭരണത്തിന്റെ മറവില്‍ വ്യാപകമായ ക്രമക്കേട് നടത്തി ത്രിപുരയില്‍ അധികാരത്തിലെത്തിയ ബിജെപി, ഇടതുമുന്നണി പ്രവര്‍ത്തകര്‍ക്കും ഓഫീസുകള്‍ക്കും നേരെ അഴിച്ചുവിട്ടിരിക്കുന്ന ആക്രമണങ്ങളില്‍ പ്രതിക്ഷേധം രേഖപ്പെടുത്തുന്നു. ത്രിപുര വിഭജനത്തിനുവേണ്ടി പോരാടുന്നവരുമായി കൂട്ടുചേര്‍ന്നാണ് ബിജെപി വിജയം നേടിയത്. ഇന്ത്യയില്‍ കമ്മ്യൂണിസ്റ്റുകാരെ ഇല്ലാതാക്കുക എന്ന ദൗത്യമാണ് നരേന്ദ്രമോദി ഏറ്റെടുത്തിരിക്കുന്നതെന്ന് ബിജെപി ദേശീയ ജനറല്‍ സെക്രട്ടറി തന്നെ വ്യക്തമാക്കിയതിനു പിന്നാലെയാണ് ത്രിപുരയിലെ ആക്രമണം.

ഇടതുപക്ഷക്കാരെ വേട്ടയാടാന്‍ നടക്കുന്ന ആക്രമണങ്ങള്‍ക്ക് എതിരെ ശക്തമായ പ്രതിഷേധം ഉയര്‍ന്ന് വരണം. ദേശീയ തലത്തില്‍ ഇടതുപക്ഷ പാര്‍ട്ടികള്‍ ബുധനാഴ്ച ആഹ്വാനം ചെയ്തിരിക്കുന്ന പ്രതിഷേധ ദിനം വിജയിപ്പിക്കണമെന്ന് അഭ്യര്‍ത്ഥിക്കുന്നു.അദ്ദേഹം പറഞ്ഞു.