ആലപ്പുഴ: ഭർത്താവിനൊപ്പം കഴിയുന്നതിനായി തനിക്ക് തോക്ക് ഉപയോഗിക്കാൻ ലൈസൻസ് വേണമെന്നാവശ്യപ്പെട്ട് ഭാര്യയുടെ നിവേദനം. മുഖ്യമന്ത്രിക്കും ഡിജിപിക്കും ജില്ലാ പൊലീസ് മേധാവിക്കുമാണ് യുവതി നിവേദനം നൽകിയത്.

ഇന്നലെ കറ്റാനത്താണു വിചിത്രമായ സംഭവം. രണ്ട് ദിവസമായി ഭർത്താവ് തന്നെ ഉപദ്രവിക്കുന്നുവെന്ന കാണിച്ച് യുവതി ആദ്യം കുറത്തികാട് പൊലീസിനും പിന്നീടു പിങ്ക് പൊലീസിനും പരാതി നൽകിയിരുന്നു. പൊലീസ് വീട്ടിലെത്തി അന്വേഷണം നടത്തി മടങ്ങി.

അന്വേഷണത്തിൽ തൃപ്തിയാവാത്ത യുവതി തനിക്കു നീതി ലഭിച്ചില്ലെന്ന് ആരോപിച്ച് മുഖ്യമന്ത്രിക്കും ഡിജിപിക്കും ജില്ലാ പൊലീസ് മേധാവിക്കും നിവേദനം  നൽകി. തുടർന്ന് പൊലീസ് ഭർത്താവിനെതിരെ കേസെടുത്തു. മൂന്നാമത്തെ വിവാഹമാണു യുവതിയുടേതെന്നും  രണ്ടാം വിവാഹമാണ് ഭർത്താവിന്റേതെന്നും കുറത്തികാട് പൊലീസ് വ്യക്തമാക്കി.