Kerala

മന്ത്രിമാര്‍ വനിതാ മതിലിന്റെ തിരക്കില്‍; മന്ത്രിസഭാ യോഗം ഉപേക്ഷിച്ചു

ടോം ജോസ്‌ അവധി കഴിഞ്ഞ് വെള്ളിയാഴ്ച തിരിച്ചെത്തുമെന്നും അന്ന് മന്ത്രിസഭാ യോഗം ചേരുമെന്നും മന്ത്രിമാരെ അനൗദ്യോഗികമായി അറിയിച്ചിരുന്നു

Author : സമകാലിക മലയാളം ഡെസ്ക്

തിരുവനന്തപുരം: വനിതാ മതിലിന്റെ ഭാഗമായി മന്ത്രിമാര്‍ തിരക്കിലായതിനെ തുടര്‍ന്ന് ഈ ആഴ്ചത്തെ മന്ത്രിസഭാ യോഗം ഉപേക്ഷിച്ചു. ജനുവരി ഒന്നിന് നടക്കുന്ന വനിതാ മതിലിന് ശേഷം ജനുവരി മൂന്നിനാകും ഇനി മന്ത്രിസഭാ യോഗം ചേരുക. 

മന്ത്രിസഭാ യോഗത്തിനായി ചില മന്ത്രിമാര്‍ ചൊവ്വാഴ്ച വൈകുന്നേരത്തോടെ തിരുവനന്തപുരത്തെത്തിയിരുന്നു. എന്നാല്‍ ചൊവ്വാഴ്ച രാത്രിയോടെ മന്ത്രിസഭാ യോഗം ചേരുന്നില്ലെന്ന് തീരുമാനിച്ചു. ചീഫ് സെക്രട്ടറി ടോം ജോസ് അവധിയായതിനെ തുടര്‍ന്നാണ് മന്ത്രിസഭാ യോഗം ഈ ആഴ്ച ചേരേണ്ടതില്ലെന്ന് തീരുമാനിച്ചത് എന്നാണ് ഔദ്യോഗിക വിശദീകരണം. 

ടോം ജോസ്‌ അവധി കഴിഞ്ഞ് വെള്ളിയാഴ്ച തിരിച്ചെത്തുമെന്നും അന്ന് മന്ത്രിസഭാ യോഗം ചേരുമെന്നും മന്ത്രിമാരെ അനൗദ്യോഗികമായി അറിയിച്ചിരുന്നു എങ്കിലും പിന്നീട് ഈ ആഴ്ചത്തെ മന്ത്രിസഭാ യോഗം ഉപേക്ഷിക്കാന്‍ തീരുമാനിച്ചു. വനിതാ മതിലിന്റെ ചുമതലയുള്ള മന്ത്രിമാര്‍ വിവിധ ജില്ലകളില്‍ തിരക്കിലായതിനെ തുടര്‍ന്നാണ് മന്ത്രിസഭാ യോഗം ഉപേക്ഷിച്ചതെന്നാണ് റിപ്പോര്‍ട്ട്.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

മറ്റ് സംസ്ഥാനങ്ങളിലേക്ക് കൊണ്ടുപോകാം; തമിഴ്‌നാട്ടിലെ പാറ, മണല്‍ വിലക്ക് നീക്കി മദ്രാസ് ഹൈക്കോടതി

ആലപ്പുഴയിൽ വീണ്ടും പക്ഷിപ്പനി; 26,000 വളർത്തുപക്ഷികളെ കൊന്നൊടുക്കും

1,2,3,5 വര്‍ഷ കാലയളവ്; പോസ്റ്റ് ഓഫീസ് ടൈം ഡെപ്പോസിറ്റില്‍ ഒരു ലക്ഷം രൂപ നിക്ഷേപിച്ചാല്‍ എത്ര കിട്ടും?

മൊബൈൽ ഫോൺ എങ്ങനെ അണുവിമുക്തമാക്കാം? ശ്രദ്ധിക്കേണ്ട കാര്യങ്ങൾ

'പോര്‍ച്ചുഗല്‍ തോറ്റോ... കണക്കായി പോയി!'