കോട്ടയം: മാര്ക്ക് ദാന വിവാദം കത്തിനില്ക്കുന്നതിനിടെ, എം ജി സര്വകലാശാലയുടെ അടിയന്തര സിന്ഡിക്കേറ്റ് യോഗം ഇന്ന് ചേരും. വൈസ് ചാന്സലറുടെ അഭാവത്തില് പ്രോ. വൈസ് ചാന്സലറുടെ അധ്യക്ഷതയിലാണ് സിന്ഡിക്കേറ്റ് ചേരുക.
മാര്ക്ക് ദാനം അടക്കമുള്ള വിഷയങ്ങള് വിവാദമായ സാഹചര്യത്തിലാണ് അടിയന്തര യോഗം വിളിച്ചിട്ടുള്ളത്. യോഗത്തില് സുപ്രധാന നടപടികള് ഉണ്ടാകുമെന്നാണ് റിപ്പോര്ട്ട്.
വിവാദങ്ങള്ക്ക് കാരണമായ പ്രശ്നങ്ങള് സിന്ഡിക്കേറ്റില് ചര്ച്ച ചെയ്യും. മാര്ക്ക് ദാനം അക്കാദമിക് കൗണ്സിലിന്റെ ശുപാര്ശ വാങ്ങി ക്രമപ്പെടുത്തിയേക്കും. അല്ലെങ്കില് ഈ നടപടി റദ്ദാക്കാന് സാധ്യതയുണ്ട്. ബി.ടെക്. പരീക്ഷാഫലം വന്നശേഷം മാര്ക്ക് നല്കി വിദ്യാര്ഥികളെ ജയിപ്പിച്ചതില് സര്ക്കാര് അതൃപ്തി രേഖപ്പെടുത്തിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates