തിരുവനന്തപുരം: ഉമ്മന്‍ ചാണ്ടി സര്‍ക്കാരിന്റെ കാലത്ത് ബിയര്‍ -വൈന്‍ പാര്‍ലറുകള്‍ അനുവദിച്ചത് ചട്ടം ലംഘിച്ചാണെന്ന് സിഎജി റിപ്പോര്‍ട്ട്. 2013 മുതല്‍ 2016 വരെ അനുവദിച്ച ബിയര്‍ - വൈന്‍ പാര്‍ലറുകള്‍ അനുവദിക്കുന്നതിലാണ് ചട്ടം ലംഘനം നടന്നത്. ഇക്കാര്യത്തില്‍ ആവശ്യമായ സുതാര്യത യുഡിഎഫ് സര്‍ക്കാരിന്റെ ഭാഗത്തു നിന്നും ഉണ്ടായില്ല. ഏഴ് ബാറുകള്‍ക്കും 77 ബിയര്‍- വൈന്‍ പാര്‍ലറുകള്‍ക്കുമാണ്് ഈ കാലയളവില്‍ യുഡിഎഫ് സര്‍ക്കാര്‍ അനുമതി നല്‍കിയത്്. കൂടാതെ ശുചിത്വ പരിശോധനയില്‍ പരാജയപ്പെട്ട 166 ബാറുകള്‍ ബിയര്‍ പാര്‍ലറുകളാക്കി മാറ്റിയിരുന്നു.
മുഖ്യമന്ത്രി, റവന്യൂമന്ത്രി, ചീഫ് സെക്രട്ടറി എന്നിവര്‍ക്കെതിരെ രൂക്ഷവിമര്‍ശനമാണ് സിഎജി റിപ്പോര്‍ട്ടിലുള്ളത്. ചട്ടവിരുദ്ധമായ തീരുമാനങ്ങളിലാണ് മുഖ്യമന്ത്രി ഒപ്പുവെച്ചത്. മെത്രാന്‍ കായല്‍, കടമക്കുടി തുടങ്ങിയ ഭൂമി സംബന്ധിച്ച ഉത്തരവുകളിലും സര്‍ക്കാര്‍ ചട്ടലംഘനം നടത്തിയതായും, ഹരിപ്പാട് മെഡിക്കല്‍ കോളേജിന് ഭൂമി അനുവദിച്ച കാര്യങ്ങളിലും യുഡിഎഫ് സര്‍ക്കാര്‍ ചട്ടം പാലിച്ചില്ലെന്നും സിഎജി റിപ്പോര്‍ട്ടില്‍ പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates