തൃശ്ശൂര്‍: വനിതാ പ്രവര്‍ത്തകയോട് അപമര്യാദയായി പെരുമാറിയ വിഷയത്തില്‍ ഇരിങ്ങാലക്കുട ഡിവഐഎഫ്‌ഐ ബ്ലോക്ക് ജോയിന്റ് സെക്രട്ടറി ജീവന്‍ലാലിനെ സിപിഎം സസ്‌പെന്‍ഡ് ചെയ്തു. പാര്‍ട്ടിയുടെ പ്രാഥമികാംഗത്വത്തില്‍ നിന്നും ഡിവൈഎഫ്‌ഐയില്‍ നിന്നും ഒരു വര്‍ഷത്തേക്കാണ് സസ്‌പെന്‍ഡ് ചെയ്തത്.
എംഎല്‍എ ഹോസ്റ്റലില്‍ വച്ച് സ്ത്രീത്വത്തെ അപമാനിക്കുന്ന തരത്തില്‍ ഇയാള്‍ പെരുമാറിയെന്ന് കാണിച്ചാണ് യുവതി പൊലീസില്‍ പരാതി നല്‍കിയത്. ഇതേത്തുടര്‍ന്ന് കാട്ടൂര്‍ പൊലീസ് കേസ് രജിസ്റ്റര്‍ ചെയ്തിരുന്നു.
കഴിഞ്ഞ ജൂലൈയില്‍ മെഡിക്കല്‍ പ്രവേശനത്തിന്റെ കോച്ചിങ് സീറ്റ് കിട്ടാന്‍ തിരുവനന്തപുരത്ത് പോയിരുന്നു. ശരിയാക്കാന്‍ സഹായിക്കാമെന്ന് പറഞ്ഞ് ജീവന്‍ലാല്‍ കൂടെ വന്നിരുന്നു.ഇരിങ്ങാലക്കുട എംഎല്‍എയുടെ ഹോസ്റ്റല്‍ റൂമില്‍ താമസിക്കുന്നതിനിടെയാണ്മോശമായി പെരുമാറിയതെന്നും യുവതി പൊലീസില്‍ നല്‍കിയ പരാതിയില്‍ പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates