കൊച്ചി: വീടുകളില് ലഘുലേഖകള് വിതരണം ചെയ്ത മുജാഹിദ് ഗ്ലോബല് ഇസ്ലാമിക് വിഷന് പ്രവര്ത്തകരെ സംഘപരിവാര് പ്രവര്ത്തകര് ആക്രമിക്കുന്നതിന്റെ ദൃശ്യങ്ങള് പുറത്ത്. വടക്കേക്കര പൊലീസ് സ്റ്റേഷനിലേക്കു പോകുന്ന ഇവരെ സംഘപരിവാര് പ്രവര്ത്തകര് കൂട്ടം ചേര്ന്ന് മര്ദിക്കുന്നതിന്റെ ദൃശ്യങ്ങളാണ് പുറത്തായത്.
ഐ.എസ്: മതനിഷേധം, മാനവവിരുദ്ധം' എന്ന ലഘുലേഖകള് വിതരണം ചെയ്തതിനാണ് വിസ്ഡം പ്രവര്ത്തകരെ സംഘപരിവാര് പ്രവര്ത്തകര് പിടികൂടി മര്ദിച്ചശേഷം പൊലീസില് ഏല്പ്പിച്ചത്. ആദ്യം പത്തില് താഴെ ആളുകളെയാണ് പിടികൂടിയത്. പിന്നീട് വൃദ്ധരുള്പ്പെടെ മുപ്പതോളം മുസ്ലീംങ്ങളെ പൊലീസ് കസ്റ്റഡിയിലെടുത്തു.
ഇന്നലെയാണ് മുജാഹിദ് പ്രവര്ത്തകരെ സംഘപരിവാറുകാര് തീവ്രവാദികളെന്നാരോപിച്ച് പൊലീസിനെ ഏല്പ്പിച്ചത്. മതതീവ്രവാദം പ്രചരിപ്പിക്കുന്നതും മതസ്പര്ധ വളര്ത്തുന്നതുമായ ലഘുലേഖകള് വിതരണം ചെയ്തെന്നാരോപിച്ച് 39 പേരെയാണ് പറവൂരില് പൊലീസ് അറസ്റ്റ് ചെയ്തത്. ഇവര്ക്കെതിരെ ഇന്ത്യന് ശിക്ഷാനിയമം 153 എ പ്രകാരം കേസെടുത്തശേഷം വിട്ടക്കുകയും ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates