കോഴിക്കോട്: വടകര ചെക്യാട് ബിഎസ്എഫ് ക്യാമ്പിലെ 206 ജവാന്മാർക്ക് കോവിഡ് സ്ഥിരീകരിച്ചു. രോ​ഗം സ്ഥിരീകരിച്ചവരിൽ 15 പേർക്ക് മാത്രമാണ് രോഗ ലക്ഷണങ്ങളുള്ളത്. ക്യാമ്പ് മെഡിക്കൽ ഓഫീസർക്കും കോവിഡ് സ്ഥിരീകരിച്ചു. 

500 പേർക്കാണ് ആൻറിജൻ പരിശോധന നടത്തിയത്. തൊള്ളായിരത്തോളം ജവാന്മാരും കുടുംബാംഗങ്ങളും അടക്കം ആയിരത്തോളം ആളുകളാണ് ക്യാമ്പിലുള്ളത്. ബാക്കിയുള്ളവർക്ക് ഞായറാഴ്‍ച ടെസ്റ്റ് നടത്തും. 

കോവിഡ് ബാധിതരെ ആശുപത്രിയിലേക്ക് മാറ്റില്ല. ക്യാമ്പ് കോവിഡ് എഫ്എൽടിസി ആക്കി മാറ്റാനാണ് നിർദേശം. പ്രത്യേക മേൽനോട്ടത്തിനായി ആരോഗ്യ വകുപ്പ് ഡോക്ടറെ നിയമിക്കും.