ആലപ്പുഴ: അരൂര്‍ പൊലീസ് സ്റ്റേഷനിലെ വനിതാ സിവില്‍ പൊലീസ് ഓഫീസര്‍ക്ക് കോവിഡ് 19 സ്ഥിരീകരിച്ചു. ഇതേത്തുടര്‍ന്ന് സ്‌റ്റേഷന്‍ താത്ക്കാലികമായി അടച്ചു. 40 പൊലീസുകാരോട് ക്വാറന്റൈനില്‍ പോകാന്‍ ആരോഗ്യവകുപ്പ് നിര്‍ദേശിച്ചു. 

ഇന്നലെ വൈകുന്നേരമാണ് വനിതാ സിവില്‍ പൊലീസ് ഓഫീസര്‍ക്ക് രോഗം സ്ഥിരീകരിച്ചത്. സ്‌റ്റേഷനിലെ മുഴുവന്‍പേര്‍ക്കും പരിശോധന നടത്തും. 

ഓഗസ്റ്റ് 12നാണ് ഇവര്‍ അവസാനമായി ഡ്യൂട്ടിക്കെത്തിയത്. ഇവരുടെ കുടുംബാംഗങ്ങള്‍ക്കും രോഗം സ്ഥിരീകരിച്ചിട്ടുണ്ട്. അയല്‍ക്കാരില്‍ നിന്നാണ് രോഗം പകര്‍ന്നത് എന്നാണ് പ്രാഥമിക നിഗമനം.