തൃശൂര്‍: പൊലീസ് ക്രൂരമായി മര്‍ദ്ദിച്ചതില്‍ മനംനൊന്ത് ആത്മഹത്യ ചെയ്ത വിനായകന്റെ മാതാപിതാക്കള്‍ മജിസ്‌ട്രേറ്റിന് മുന്‍പില്‍ രഹസ്യ മൊഴി നല്‍കി. തൃശൂര്‍ ഒന്നാം ക്ലാസ് മജിസ്‌ട്രേറ്റ് കോടതിയിലാണ് രഹസ്യമൊഴി നല്‍കിയത്.
ക്രൈംബ്രാഞ്ചിന്റെ നിര്‍ദേശപ്രകാരമാണ് രഹസ്യ മൊഴി നല്‍കിയത്. വിനാകന്റെ അച്ഛന്‍ കൃഷ്ണന്‍ കുട്ടി, വിനായകന് ഒപ്പം കസ്റ്റഡിയിലെടുത്ത സുഹൃത്ത് ശരത്ത്, മറ്റൊരു സുഹൃത്ത് വൈഷ്ണവ്, വിനായകന്റെ അച്ഛനൊപ്പം പവറട്ടി പൊലീസ് സ്റ്റേഷനില്‍ എത്തിയ അയല്‍വാസി എന്നിവരാണ്് മജിസ്‌ട്രേറ്റിന് മുന്‍പാകെ മൊഴി നല്‍കിയത്.
ക്രൈംബ്രാഞ്ചിന്റെ കേസ് അന്വേഷണത്തില്‍ തൃപ്തിയുണ്ടെന്ന് വിനായകന്റെ അച്ഛന്‍ പറഞ്ഞു. അതിനിടെ ക്രൈംബ്രാഞ്ച് മേധാവി എ.ഹേമചന്ദ്രന്‍ വിനായകന്റെ വീട് സന്ദര്‍ശിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates