തിരുവനന്തപുരം : കൊറോണ വൈറസ് കുടുതല്‍ പേര്‍ക്ക് സ്ഥിരീകരിച്ചതോടെ ആള്‍ക്കൂട്ടങ്ങള്‍ ഒത്തുചേരുന്ന സ്ഥലങ്ങളിലെല്ലാം നിയന്ത്രണം ഏര്‍പ്പെടുത്തി തുടങ്ങി. ഇതിന്റെ ഭാഗമായി ഏതാനും വിനോദസഞ്ചാര കേന്ദ്രങ്ങള്‍ അടച്ചു. പത്തനംതിട്ട ജില്ലയിലെ വിനോദസഞ്ചാരകേന്ദ്രങ്ങളാണ് അടച്ചത്. 

കോന്നി ആനക്കൊട്ടിൽ, അടവി കുട്ടവഞ്ചി സവാരി കേന്ദ്രം എന്നിവയാണ് അടച്ചത്. ജില്ലയില്‍ കണ്‍ട്രോള്‍ റൂം തുറന്നിട്ടുണ്ട്. ഉത്സവങ്ങള്‍, പെരുന്നാളുകള്‍, വിവാഹചടങ്ങുകള്‍ തുടങ്ങിയവ കഴിവതും ഒഴിവാക്കാന്‍ ജില്ലാ കളക്ടര്‍ അഭ്യര്‍ത്ഥിച്ചു. 

തൃശൂരിലെ അതിരപ്പിള്ളി വെള്ളച്ചാട്ടം, ബീച്ച് എന്നിവിടങ്ങളിലേക്കുള്ള പ്രവേശനവും നിരോധിച്ചിട്ടുണ്ട്. ആള്‍ക്കൂട്ടങ്ങള്‍ ഒത്തുചേരുന്നത് ഒഴിവാക്കാന്‍ സംസ്ഥാന സര്‍ക്കാര്‍ ആവശ്യപ്പെട്ടിട്ടുണ്ട്. സിനിമ, നാടകം കാണല്‍ തുടങ്ങിയവ ഒഴിവാക്കാന്‍ മുഖ്യമന്ത്രി നിര്‍ദേശിച്ചു.