കൊച്ചി:കളമശേരി കങ്ങരപ്പടി വടകോട് സെന്‍ട്രല്‍ ജുമാ മസ്ജിദ് റോഡില്‍ മോഷണം നടന്നതായി പരാതി. മുപ്പത്തടത്തില്‍ അബ്ദുള്‍ സലാമിന്റെ വീട്ടില്‍ നിന്ന് 30 പവന്റെ ആഭരണങ്ങള്‍ കവര്‍ച്ച ചെയ്തു.

വെളളിയാഴ്ച ഉച്ചയ്ക്ക് വീട്ടില്‍ ആരുമില്ലാത്ത നേരത്തായിരുന്നു മോഷണമെന്നാണ് സൂചന. വീടുപൂട്ടി വീട്ടുകാര്‍ പുറത്തുപോയിരുന്നു. വീടിന്റെ താക്കോല്‍ മണ്‍ചട്ടിക്കടിയില്‍ വച്ചാണ് കുടുംബം പുറത്തുപോയത്. ഈ താക്കോലെടുത്ത് വീടുതുറന്ന് മോഷ്ടാവ് അകത്തുകയറുകയായിരുന്നുവെന്ന് പൊലീസ് പറയുന്നു.

അലമാര തുറന്ന് ആഭരണങ്ങള്‍ എടുത്ത് പുറത്തിറങ്ങിയ മോഷ്ടാവ് വീടു പൂട്ടി താക്കോല്‍ സമീപത്തിരുന്ന പാത്രത്തിനടിയില്‍ വച്ചാണ്് മടങ്ങിയത്. ശനിയാഴ്ച രാത്രി അലമാര തുറന്നപ്പോഴാണ് ആഭരണം നഷ്ടമായ വിവരം അറിഞ്ഞത്.വിവരമറിഞ്ഞ് ഇന്നലെ രാവിലെ പൊലീസും വിരലടയാള വിദഗ്ധരും വീട്ടിലെത്തി പരിശോധന നടത്തി.