തിരുവനന്തപുരം: വീണ്ടും തെരുവ് നായകളുടെ ആക്രമണത്തില് ഒരു
മരണം. ഞായറാഴ്ച രാത്രി നായയുടെ കടിയേറ്റ് ചികിത്സയിലായിരുന്ന ജോസ്ക്ലിനാണ് ഇന്ന് രാവിലെ മരിച്ചത്.
മത്സ്യത്തൊഴിലാളിയായ തിരുവനന്തപുരം പുല്ലുവിള സ്വദേശിയാണ് ജോസ്ക്ലിന്
(45). കഴിഞ്ഞ വര്ഷം ഓഗസ്റ്റിലും ഇവിടെ നായയുടെ കടിയേറ്റ് ഒരു വയോധിക മരിച്ചിരുന്നു. കടല്ത്തീരത്ത് വെച്ചാണ് ജോസ്ക്ലിനെ നായകള് കൂട്ടത്തോടെ ആക്രമിച്ചത്. തുടര്ന്ന് കടലില് ചാടി രക്ഷപെടാന് ജോസ്ക്ലിന് ശ്രമിക്കുകയായിരുന്നു. നാട്ടുകാര് കണ്ടെത്തുന്ന സമയത്ത് ഇയാള് ചോരവാര്ന്ന നിലയിലായിരുന്നു.
ഞായറാഴ്ച രാത്രി പതിനൊന്ന് മണിയോടെയാണ് ജോസ്ക്ലിനെ തെരുവ് നായകളുടെ ആക്രമണമേറ്റത്. തിരുവനന്തപുരം മെഡിക്കല് കോളെജ് ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല. ശസ്ത്രക്രീയയ്ക്കും ജോസ്ക്ലിനെ വിധേയമാക്കിയിരുന്നു. ശരീരത്തില് നിറയെ ആഴത്തിലുള്ള മുറിവേറ്റതിനാലാണ് രക്ഷിക്കാന് സാധിക്കാതിരുന്നതെന്ന് ഡോക്ടര്മാര് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates