കൊച്ചി: എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശനെതിരെ യോജിച്ച് നീങ്ങാന്‍ ശ്രീനാരായണ സഹോദസസംഘവും ശ്രീനാരായണ ധര്‍മ്മവേദിയും തമ്മില്‍ ധാരണ. ഇതിന്റെ ഭാഗമായി ഏപ്രില്‍ 20ന് സംയുക്ത കണ്‍വെന്‍ഷന്‍ വിളിച്ചുചേര്‍ക്കും. എസ്എന്‍ഡിപി യോഗത്തിലെ അഴിമതി മൂടിക്കെട്ടാന്‍ വെള്ളാപ്പള്ളി ശ്രമിക്കുകയാണെന്നും ഇതിനെതിരെ വ്യാപകമായ പ്രചാരണം പൊതുസമൂഹത്തിന് മുന്നില്‍ നടത്തുമെന്നും ശ്രീനാരായണ സഹോദര ധര്‍മ്മവേദി നേതാക്കള്‍ അറിയിച്ചു.
പ്രൊഫസര്‍ എംകെ സാനുവിന്റെ നേതൃത്വത്തില്‍ ഗോകുലം ഗോപാലന്‍ ചെയര്‍മാനും അഡ്വ. സികെ വിദ്യാസാഗര്‍ വര്‍ക്കിങ് ചെയര്‍മാനുമായ സംഘടനയാണ് ശ്രീനാരായണ സഹോദരസംഘം. ഗോകുലം ഗോപാലന്‍ തന്നെ നേതൃത്വം നല്‍കുന്ന സംഘടനയാണ് ശ്രീനാരായണ ധര്‍മ്മവേദി. വെള്ളാപ്പള്ളിയുടെ നടപടികള്‍ക്കും നിലപാടുകള്‍ക്കുമെതിരെ പ്രവര്‍ത്തിക്കുന്ന ഇതര ശ്രീനാരായണീയ പ്രസ്ഥാനങ്ങളെയും ഗുരുഭക്തരെയും ഏകോപിപ്പിക്കുകയാണ് കൂട്ടായ്മയിലൂടെ ലക്ഷ്യമിടുന്നത്. മൈക്രോ ഫിനാന്‍സ് അഴിമതിയുടെ ഉത്തരവാദിത്തം യൂണിയന്‍ നേതാക്കളുടെ തലയില്‍ കെട്ടിവെച്ച് രക്ഷപ്പെടാനാണ് വെള്ളാപ്പള്ളി ശ്രമിക്കുന്നതെന്നും ശ്രീനാരായണ സഹോദര ധര്‍മ്മവേദി നേതാക്കള്‍ വ്യക്തമാക്കി
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates