മലപ്പുറം: വേങ്ങര ഉപതെരഞ്ഞെടുപ്പ് പ്രചാരണത്തിന് കെ എം മാണിയെ ക്ഷണിക്കുമെന്ന് പികെ കുഞ്ഞാലിക്കുട്ടി. മാണിയെ യുഡിഎഫിന് പുറത്തായിട്ടുള്ള ഒരാളായി കണ്ടിട്ടില്ല. പ്രചാരണത്തിനായി മാണിയെത്തുമെന്നാണ് പ്രതീക്ഷയെന്നും കുഞ്ഞാലിക്കുട്ടി പറഞ്ഞു. 

മലപ്പുറം ലോക്‌സഭാ തെരഞ്ഞടുപ്പില്‍ തന്റെ പ്രചാരണത്തിനായി കെഎം മാണി എത്തിയിരുന്നു. അതേ പോലെ തന്നെ വേങ്ങരയില്‍ കെഎന്‍എ ഖാദറിന്റെ തെരഞ്ഞെടുപ്പ് പ്രചാരണത്തിനായി മാണിയെത്തുമെന്നും കുഞ്ഞാലിക്കുട്ടി പറഞ്ഞു.