കോട്ടയം : ശബരിമല വിഷയത്തില് വൈക്കത്ത് സിപിഎം- ആര്എസ്എസ് സംഘര്ഷം. സ്ത്രീ പ്രവേശനത്തെ അനുകൂലിച്ച് ഫേസ്ബുക്കില് പോസ്റ്റിട്ടതിന് വൈക്കം സ്വദേശിയായ വിദ്യാര്ത്ഥിനിയെ കഴിഞ്ഞ ദിവസം ആര്എസ്എസ് പ്രവര്ത്തകര് മര്ദ്ദിച്ചിരുന്നു. ഇതില് പ്രതിഷേധിച്ച് സിപിഎം പ്രവര്ത്തകര് വൈകുന്നേരം മുരിയന് കുളങ്ങരയില് സമ്മേളനം സംഘടിപ്പിച്ചു. യോഗത്തിന് ശേഷം പെണ്കുട്ടിയെ മര്ദ്ദിച്ച യുവാവിന്റെ വീട്ടിലേക്ക് സിപിഎം പ്രവര്ത്തകര് നടത്തിയ മാര്ച്ചിന് പിന്നാലെയാണ് സംഘര്ഷമുണ്ടായത്.
ആര്എസ്എസ് കാര്യാലയത്തിലേക്ക് സിപിഎം പ്രവര്ത്തകര് കല്ലെറിഞ്ഞെന്ന് ആരോപിച്ചായിരുന്നു സംഘര്ഷം. അക്രമങ്ങളില് പ്രതിഷേധിച്ച് നാളെ വൈക്കം താലൂക്കില് ഹര്ത്താല് നടത്തുമെന്ന് ബിജെപി അറിയിച്ചു. പ്രദേശത്ത് സംഘര്ഷാവസ്ഥ തുടരുന്നനാല് പൊലീസ് ക്യാമ്പ് ചെയ്യുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates