കൊച്ചി: ബിജെപി സംസ്ഥാന അധ്യക്ഷനായി തെരഞ്ഞടുക്കപ്പെട്ട പിഎസ് ശ്രീധരന്‍പിള്ളയക്ക് ഫെയ്‌സ്ബുക്കില്‍ അഭിനന്ദനങ്ങള്‍ അറിയിച്ച ബിജെപി നേതാവ് കെ സുരേന്ദ്രന് സോഷ്യല്‍ മീഡിയ വക പരിഹാസവും തെറിയഭിഷേകവും. ഇരയോടൊപ്പം എന്നാണ് ഫെയ്‌സ്ബുക്ക് പോസ്റ്റിന് താഴെ ഹാഷ്  ടാഗ് ഇട്ടിരിക്കുന്നത്.

ഫെയ്‌സ്ബുക്കില്‍ പോസ്റ്റ് ചെയ്തതിന് പിന്നാലെ അകത്ത് പോയി പൊട്ടിക്കരച്ചിലായിരുന്നെന്നും സുര അണ്ണനെന്നാണ് കൂടുതല്‍ കമന്റും. പൊരിഞ്ഞ പോരാട്ടമായിരുന്നു. അവസാനശ്വാസം വരെ പോരാടി തോല്‍ക്കുന്നത് ജയിച്ചതിന് തുല്യമാണമ്മേ, ഇത്രയും പറഞ്ഞിട്ട് ഉള്ളി സുര പൊട്ടിക്കരയുകയായിരുന്നു സുഹൃത്തുക്കളെ പൊട്ടിക്കരയുകയായിരുന്നെന്നും ചിലര്‍ ഫെയ്‌സ്ബുക്ക് പേസ്റ്റിന് താഴെ കമന്റിട്ടു