തിരുവനന്തപുരം : സംസ്ഥാനത്ത് ഇന്നുമുതൽ വ്യാഴാഴ്ച വരെ മഴയ്ക്ക് സാധ്യതയെന്ന് കാലാവസ്ഥാവകുപ്പ്. എല്ലാ ജില്ലകളിലും മഴ പെയ്യുമെന്നാണ് 
കാലാവസ്ഥാ നിരീക്ഷണകേന്ദ്രത്തിന്റെ  അറിയിപ്പ്. ബുധനാഴ്ച മലപ്പുറത്തും വ്യാഴാഴ്ച തിരുവനന്തപുരം, കൊല്ലം ജില്ലകളിലും ശക്തമായ മഴയ്ക്കും സാധ്യതയുണ്ടെന്ന് മുന്നറിയിപ്പ് നൽകിയിട്ടുണ്ട്. 

കേരളതീരത്ത് ഇന്ന് 40 കിലോമീറ്റർ വരെ വേഗത്തിൽ കാറ്റിനു സാധ്യതയുണ്ട്. അതിനാൽ മത്സ്യത്തൊഴിലാളികൾ ജാഗ്രത പാലിക്കണമെന്നും 
കാലാവസ്ഥാ വകുപ്പ്  മുന്നറിയിപ്പ് നൽകിയിട്ടുണ്ട്.