തിരുവനന്തപുരം: സംസ്ഥാനത്ത് വെള്ളക്കരം 30 ശതമാനം കൂട്ടാൻ തീരുമാനം. 20,000 ലിറ്റർ വരെ ഉപയോ​ഗിക്കുന്ന സ്ലാബിന് 30 ശതമാനം വരെ കൂട്ടാനാണ് തീരുമാനിച്ചിരിക്കുന്നത്. 20,000 ലിറ്ററിന് മുകളിലുള്ള ഉപയോ​ഗത്തിന് 40 ശതമാനം മുതൽ 50 ശതമാനം വരെ വർധിപ്പിക്കാനും ശുപാർശയുണ്ട്.

ബിപിഎൽ കുടുംബങ്ങൾക്ക് 10,000 ലിറ്റർ വെള്ളം സൗജന്യമായി നൽകും. ഇതര വിഭാ​ഗങ്ങൾക്ക് 3000 ലിറ്റർ വരെ സൗജന്യമായിരിക്കും. സംസ്ഥാനത്തെ ഉപഭോ​ക്താക്കളിൽ 90 ശതമാനവും 15,000- 20,000 ലിറ്റർ വരെ വെള്ളം ഉപയോ​ഗിക്കുന്നു.

വെള്ളക്കരം കൂട്ടിയില്ലെങ്കിൽ ജല അതോറിറ്റി പ്രതിസന്ധിയിലാകുന്ന അവസ്ഥയാണ്. ഉത്പാദനച്ചെലവ് ​ഗണ്യമായി ഉയർന്നതും വൈദ്യുതി ചാർജിന് പ്രതിവർഷം വേണ്ടത് 300 കോടി രൂപണെന്നും വർധനയ്ക്ക് കാരണമായി പറയുന്നു. ശമ്പളം നൽകാൻ പോലും പ്രതിസന്ധിയാണെന്ന് ജല അതോറിറ്റി വ്യക്തമാക്കി.