തിരുവനന്തപുരം: സമകാലിക മലയാളത്തില്‍ പ്രസിദ്ധീകരിച്ച വിവാദ അഭിമുഖത്തിന്‍മേല്‍ മുന്‍ ഡിജിപി സെന്‍കുമാറിനെതിരെ ക്രൈംബ്രാഞ്ച് അന്വേഷണം. ക്രൈംബ്രാഞ്ച് എഡിജിപി നിഥിന്‍ അഗര്‍വാളിന്റെ നേതൃത്വത്തിലാണ് അന്വേഷണം. അഭിമുഖത്തെത്തുടര്‍ന്ന് സെന്‍കുമാര്‍ ന്യൂനപക്ഷ വിരുദ്ധ പരാമര്‍ശങ്ങള്‍ നടത്തിയെന്ന് പരാതികള്‍ ഉയര്‍ന്നിരുന്നു. ഡിജിപി ലോക്‌നാഥ് ബഹ്‌റയ്ക്ക് എട്ടു പരാതികള്‍ ലഭിച്ചിരുന്നു. ഈ പരാതികള്‍ എല്ലാം അന്വേഷണ സംഘത്തിന് കൈമാറിയിട്ടുണ്ട്.
ആര്‍എസ്എസിനെയും ഐഎസിനെയും താരതമ്യം ചെയ്യാന്‍ പറ്റില്ലെന്നു സെന്‍കുമാര്‍ സമകാലിക മലയാളത്തോടു പറഞ്ഞിരുന്നു. കേരളത്തില്‍ നൂറ് കുട്ടികള്‍ ജനിക്കുമ്പോള്‍ അതില്‍ 42 മുസ്‌ലിം കുട്ടികളാണ്. ജനസംഖ്യാ ഘടന ഈ രീതിയില്‍ പോയാല്‍ ഭാവിയില്‍ വരാന്‍ പോവുന്നത് ഏതു രീതിയിലുള്ള മാറ്റമായിരിക്കുമെന്ന് സമകാലിക മലയാളവുമായുള്ള അഭിമുഖത്തില്‍ സെന്‍കുമാര്‍ ചോദിച്ചിരുന്നു.ക്രിസ്ത്യാനികളുടെ ജനന നിരക്ക് കുറയുമ്പോഴും ജനസംഖ്യ കുറയാത്തത് അവര്‍ കുറേയൊക്കെ മതപരിവര്‍ത്തനം നടത്തിക്കുന്നതുകൊണ്ടാണ്. എന്നിട്ടു പോലും സംഘര്‍ഷമുണ്ടാകാത്തത് എന്തുകൊണ്ടാണ്? ക്രിസ്ത്യന്‍ ലൗ ജിഹാദ് ഇല്ല. ആ ഓപ്പണ്‍നെസ്സ് അവര്‍ക്കുണ്ട്. സെന്‍കുമാര്‍ പറഞ്ഞിരുന്നു.സംഭവം വിവാദമായതോടെ താന്‍ കണക്കുകളുടെ അടിസ്ഥാനത്തിലാണ് പറഞ്ഞത് എന്ന വിശദീകരണവുമായി രംഗത്തെത്തിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates