കോട്ടയം:  കേരള കോണ്‍ഗ്രസിന്റെ മുതിര്‍ന്ന നേതാവും എംഎല്‍എയുമായ സിഎഫ് തോമസ് അന്തരിച്ചു. തിരുവല്ലയിലെ സ്വകാര്യ ആശുപത്രിയില്‍ വച്ചായിരുന്നു മരണം. 81 വയസായിരുന്നു. ദീര്‍ഘനാളായി അസുഖബാധിതനായി ചികിത്സയിലായിരുന്നു.

1980 മുതല്‍ തുടര്‍ച്ചയായി ചങ്ങനാശേരി മണ്ഡലത്തെ പ്രതിനിധീകരിച്ചാണ് നിയമസഭിയലെത്തിയത്. 2001-2006ല്‍ ഗ്രാമവിവകസനവകുപ്പ് മന്ത്രിയായി പ്രവര്‍ത്തിച്ചിരുന്നു. നിലവില്‍ കേരളാ കോണ്‍ഗ്രസ് ഡെപ്യൂട്ടി ചെയര്‍മാനാണ്.

9 തവണയാണ് നിയമസഭയിലെത്തിയത്. കെഎസ് യുവിലൂടെ രാഷ്ട്രീയ രംഗത്തെത്തിയ സിഎഫ് തോമസ് കേരളാ കോണ്‍ഗ്രസിന്റെ സ്ഥാപകനേതാക്കളില്‍ ഒരാള്‍ കൂടിയാണ്. പ്രതിസന്ധി ഘട്ടങ്ങളിലെല്ലാം കെഎം മാണിക്കൊപ്പം നിലനിന്ന തോമസ് മാണിയുടെ മരണത്തിന് പിന്നാലെ ജോസഫിനൊപ്പം നിലകൊണ്ടു.