തിരുവനന്തപുരം: തലസ്ഥാനത്തുണ്ടായ സംഘര്‍ഷത്തില്‍ സിപിഐഎമ്മിനേയും ബിജെപിയേയും വിമര്‍ശിച്ച് മുതിര്‍ന്ന കോണ്‍ഗ്രസ് നേതാവ് എ.കെ.ആന്റണി. അക്രമകാരികളായ വന്‍ സംഘത്തെയാണ് സിപിഐഎമ്മും, ബിജെപിയും തീറ്റിപ്പോറ്റുന്നതെന്ന് ആന്റണി കുറ്റപ്പെടുത്തി. 

ആരാണ് ആദ്യം അക്രമം തുടങ്ങിവെച്ചതെന്നതിനെ ചൊല്ലിയാണ് ഇപ്പോഴത്തെ തര്‍ക്കം. ആരാണ് തുടങ്ങിയതെന്ന് പൊലീസ് അന്വേഷിക്കട്ടെ. അക്രമം അവസാനിപ്പിക്കാന്‍ ഇരു വിഭാഗവും തയ്യാറാകണമെന്നും ആന്റണി പറഞ്ഞു. 

വെള്ളിയാഴ്ച പുലര്‍ച്ചെ ബിജെപി സംസ്ഥാന കമ്മിറ്റി ഓഫീസിന് നേരെയുണ്ടായ അക്രമത്തിന് പിന്നാലെ വ്യാപക സംഘര്‍ഷമാണ് തലസ്ഥാനത്തുണ്ടായത്. അക്രമസംഭവങ്ങളുമായി ബന്ധപ്പെട്ട് സിപിഎം നഗരസഭാ കൗണ്‍സിലര്‍ ഐ.പി.ബിനു ഉള്‍പ്പെടെ അഞ്ച് സിപിഎം പ്രവര്‍ത്തകരും, ആറ് ബിജെപി പ്രവര്‍ത്തകരും അറസ്റ്റിലായിരുന്നു.