തിരുവനന്തപുരം:  പിരിച്ചു വിടപ്പെട്ട എംപാനല്‍ ജീവനക്കാരി സെക്രട്ടറിയേറ്റിന് മുന്നില്‍ ആത്മഹത്യയ്ക്ക് ശ്രമിച്ചു. ആലപ്പുഴ സ്വദേശിയായ ദിയയാണ് ജീവനൊടുക്കാന്‍ ശ്രമിച്ചത്. ഇന്നലെ അര്‍ധരാത്രിയോടെ സെക്രട്ടറിയേറ്റിന് മുന്നിലെ സമരപ്പന്തലുകള്‍  പൊളിച്ച് നീക്കിയതില്‍ പ്രതിഷേധിച്ചാണ് ഇവര്‍ ആത്മഹത്യയ്ക്ക് തുനിഞ്ഞത്.

അഗ്നിശമന സേനാംഗങ്ങള്‍ എത്തി ഇവരെ അനുനയിപ്പിച്ച് താഴെയിറക്കുകയായിരുന്നു.  എംപാനല്‍ ജീവനക്കാരെ തിരിച്ചെടുക്കണമെന്ന് ആവശ്യമുയര്‍ത്തി സെക്രട്ടറിയേറ്റിന് മുന്നില്‍ സമരം നടത്തി വരികയായിരുന്നു ഇവര്‍. കഴുത്തില്‍ കുരുക്കിട്ട് മരത്തിന് മുകളില്‍ കയറിയ ജീവനക്കാരിയെ ഫയര്‍ഫോഴ്‌സ് ഉദ്യോഗസ്ഥര്‍ ശ്രമപ്പെട്ടാണ് താഴെയിറക്കിയത്.

 ആറ്റുകാല്‍ പൊങ്കാലയുടെ ഒരുക്കങ്ങളുടെ ഭാഗമായാണ് നഗരസഭയുടെ നേതൃത്വത്തില്‍ സമരപ്പന്തലുകള്‍ നീക്കം ചെയ്തത്.