തിരുവനന്തപുരം : കോവിഡ് 19 ന്റെ പശ്ചാത്തലത്തില് സംസ്ഥാന സര്ക്കാര് പ്രഖ്യാപിച്ച സൗജന്യ ഭക്ഷ്യധാന്യ കിറ്റ് വിതരണ നടപടികള് പുരോഗമിക്കുകയാണെന്ന് സപ്ലൈകോ അറിയിച്ചു. സപ്ലൈകോയുടെ 56 ഡിപ്പോകളില് ഭക്ഷ്യധാന്യ പായ്ക്കിങ് നടക്കുകയാണ്. കിറ്റുകളുടെ വിതരണം ഈ ആഴ്ച മുതല് തുടങ്ങും.
ആദ്യം എഎവൈ, പിഎച്ച്എച്ച് വിഭാഗങ്ങളില്പ്പെടുന്ന മുന്ഗണനാ കുടുംബങ്ങള്ക്കും കിറ്റുകള് വിതരണം ചെയ്യും. പിന്നീട് മുന്ഗണനേതര വിഭാഗങ്ങള്ക്കും കിറ്റുകള് വിതരണം ചെയ്യും. കിറ്റുകള് ആവശ്യമില്ലാത്തവര്ക്ക് മറ്റുള്ളവര്ക്ക് നല്കാനുള്ള സൗകര്യം സിവില് സപ്ലൈസ് വെബ്സൈറ്റില് ഒരുക്കിയിട്ടുണ്ട്.
സംസ്ഥാനത്ത് വിതരണം തുടങ്ങി അഞ്ചുദിവസത്തിനകം 75 ശഥമാനം കാര്ഡുടമകള് സൗജന്യ റേഷന് വാങ്ങി. അവധി ദിനമായ ഞായറാഴ്ച 10,06,659 കാര്ഡുകാര് റേഷന് വാങ്ങി. 20 വരെയാണ് സംസ്ഥാന സര്ക്കാരിന്റെ സൗജന്യ അരി വിതരണം ചെയ്യുക.
20 ന് ശേഷം മുന്ഗണനാവിഭാഗങ്ങള്ക്കുള്ള സൗജന്യ അരി വിതരണം ചെയ്യും. കേന്ദ്രത്തില് നിന്ന് അധികം ലഭിക്കുന്ന അരിയാണ് വിതരണം ചെയ്യുക. ഈ വിഹിതം മെയ്, ജൂണ് മാസങ്ങളിലും റേഷന് കടകളില് നിന്നും ലഭിക്കുമെന്ന് അധികൃതര് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates