തിരുവനന്തപുരം: സര്ക്കാര് വാടകയ്ക്കെടുത്ത ഹെലികോപ്റ്റര് എയര് ആംബുലന്ലസായി ഉപയോഗിക്കുന്നു. കൊച്ചിയില് ചികിത്സയിലുള്ള രോഗിക്കായി തിരുവനന്തപുരത്ത് നിന്നും ഹൃദയം കൊണ്ടുപോവാനാണ് ഹെലികോപ്റ്റര് ഉപയോഗിക്കുന്നത്.
ഇന്ന് രാവിലെ ഏഴ് മണിയോടെ കൊച്ചി ലിസി ആശുപത്രിയില് നിന്നും ഡോ. ജോസ് ചാക്കോ പെരിയപുറത്തിന്റെ നേതൃത്വത്തിലുള്ള വിദഗ്ധസംഘം തിരുവനപുരത്തേക്ക് തിരിച്ചിട്ടുണ്ട്. തിരുവനന്തപുരം കിംസില് മസ്തിഷ്കമരണം സംഭവിച്ച 50 വയസ്സുള്ള സ്ത്രീയുടെ ഹൃദയവുമായി ഇന്നുച്ചയ്ക്ക് 2 മണിയോടെ കൊച്ചിയിലേക്ക് എയര് ആംബുലന്സ് തിരിക്കും. രാവിലെ 11 മണിയോടെയാണ് കിംസില് ശസ്ത്രക്രിയ നടക്കുക.
മാര്ച്ച് പതിനാറിനാണ് ഡല്ഹിയില് നിന്ന് മരുന്നുകളുമായി പവന്ഹാന്സ് ഹെലികോപ്റ്റര് തിരുവനന്തപുരത്തെത്തിയത്. സംസ്ഥാന സര്ക്കാരിന് വേണ്ടിയുള്ള ആദ്യ ദൗത്യമാണ് ഹൃദയവും കൊണ്ടുള്ള എയര് ആംബുലന്സ് സര്വീസ്. പൊലീസിനായി ഹെലികോപ്റ്റര് വാടകയ്ക്കെടുക്കാന് ഒന്നരക്കോടി രൂപ സര്ക്കാര് ട്രഷറിയില് നിന്നും കൈമാറിയത് വലിയ വിവാദങ്ങള്ക്ക് വഴിതുറന്നിരുന്നു. കോവിഡ് പ്രതിസന്ധിമൂലമുള്ള ചെലവ് ചുരുക്കലിനിടെ ഹെലികോപ്റ്റര് വാടകക്കെടുക്കുന്നതിനായി പവന്ഹാന്സ് കമ്പനിക്ക് 1.5 കോടി രൂപ കൈമാറിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates