വളര്‍ത്തുമൃഗങ്ങള്‍ ജീവന്‍ കൊടുത്തും ആളുകളെ രക്ഷിക്കുന്ന നിരവധി ഉദാഹരണങ്ങള്‍ പുറത്തുവന്നിട്ടുണ്ട്. പാമ്പിന്റെ ആക്രമണത്തില്‍ നിന്ന് കുടുംബത്തെ രക്ഷിക്കാന്‍ ശ്രമിക്കുന്നതിനിടെ വളര്‍ത്തുനായ പാമ്പിന്റെ കടിയേറ്റ് ചത്തു എന്ന തരത്തില്‍ നൊമ്പരപ്പെടുത്തുന്ന നിരവധി വാര്‍ത്തകള്‍ ഇതിനോടകം വൈറലായിട്ടുണ്ട്. ഇപ്പോള്‍ പിഞ്ചുകുഞ്ഞിനെ വളര്‍ത്തുപൂച്ച രക്ഷിക്കുന്ന ദൃശ്യങ്ങളാണ് വ്യാപകമായി സോഷ്യല്‍മീഡിയയില്‍ പങ്കുവെയ്ക്കുന്നത്.

മുട്ടില്‍ ഇഴയുന്ന പ്രായത്തിലുള്ള കുഞ്ഞിനെയാണ് അപകടത്തില്‍ നിന്ന് പൂച്ച രക്ഷിച്ചത്. കോണിപ്പടി കയറാന്‍ പോയ കുഞ്ഞിനെയാണ് പൂച്ച പിന്തിരിപ്പിച്ചത്. കോണിപ്പടി ലക്ഷ്യമാക്കി കുഞ്ഞ് പോകുന്നത് കണ്ട് പൂച്ച ഞൊടിയിടയിലാണ് സമയോചിതമായ ഇടപെടല്‍ നടത്തിയത്. മുന്നോട്ടുപോകുന്നതില്‍ നിന്ന് തടഞ്ഞുനിര്‍ത്തി കുഞ്ഞിനെ പിന്തിരിപ്പിക്കുന്നതാണ് ട്വിറ്റര്‍ വീഡിയോയുടെ ഉള്ളടക്കം.

ഈ വാര്‍ത്ത കൂടി വായിക്കൂ 

'സിനിമയിലെ ഒരു ആക്ഷൻ രം​ഗം കണ്ട ഫീൽ'; സിംഹങ്ങളിൽ നിന്നും കുഞ്ഞുങ്ങളെ രക്ഷിക്കാൻ ആനകളുടെ 'സർക്കിൾ ഓപ്പറേഷൻ', വിഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ