കണ്ടവര്‍ വീണ്ടും ഒന്നുകൂടി നോക്കി, കണ്‍മുന്നില്‍ നില്‍ക്കുന്നത് സത്യം തന്നെയാണോ എന്ന് അറിയാന്‍. ദുബായ് ഭരണാധികാരിയും യുഎഇ വൈസ് പ്രസിഡന്റും പ്രധാനമന്ത്രിയുമായ ഷെയ്ഖ് മുഹമ്മദ് ബില്‍ റാഷിദ് അല്‍ മുക്തൂം ഒരു ലോക്കല്‍ ഹൈപ്പര്‍മാര്‍ക്കറ്റില്‍. അല്‍ ഖൗനീജ് ഔട്ട്‌ലെറ്റിലൂടെ സാധാരണ പൗരന്മാരെ പോലെ സാധനങ്ങള്‍ വിലയിരുത്തിയും പരിശോധിച്ചും നടക്കുന്ന ദുബായ് ഭരണാധികാരിയുടെ ചിത്രങ്ങളും വിഡിയോയും സമൂഹമാധ്യമങ്ങളിലും വൈറലാണ്. 

ജിഎംജി കമ്പനിയുടെ സിഇഒ മുഹമ്മദ് എ ബേക്കര്‍ 'ആദരം' എന്നായിരുന്നു ദുബായ് ഭരണാധികാരിയുടെ സന്ദര്‍ശനത്തെ കുറിച്ച് ട്വിറ്ററില്‍ കുറിച്ചത്. എന്നാല്‍ ഇതിനുമുന്‍പും ഷെയ്ഖ് മുഹമ്മദ് ബില്‍ റാഷിദ് അല്‍ മുക്തൂം ഇത്തരത്തില്‍ ഹൈപ്പര്‍മാക്കറ്റുകളില്‍ കയറി ജനങ്ങളെ ഞെട്ടിച്ചിട്ടുണ്ട്. കഴിഞ്ഞ വര്‍ഷം ഏപ്രിലില്‍ സമാനമായ രീതിയില്‍ മറ്റൊരു ഹൈപ്പര്‍മാര്‍ക്കറ്റില്‍ അദ്ദേഹം അനൗദ്യോഗിക സന്ദര്‍ശനം നടത്തിയിരുന്നു.

ഈ വാര്‍ത്ത കൂടി വായിക്കൂ 

ചൈനയിൽ പെയ്‌തിറങ്ങുന്നത് ലക്ഷക്കണക്കിന് പുഴുക്കൾ, 'പുഴു മഴ'യിൽ പെട്ട് ജനങ്ങൾ, വിഡിയോ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ