മെക്‌സിക്കോ സിറ്റി: മെക്‌സിക്കോയ്ക്കു സമീപം കടലില്‍ വന്‍ തീപിടിത്തം. സമുദ്രത്തിനടിയിലെ ഇന്ധന പൈപ്പിലുണ്ടായ വാതക ചോര്‍ച്ചയാണ് തീപിടിത്തത്തിന് കാരണമെന്ന് മെക്‌സിക്കോ ഇന്ധന കമ്പനി പെമെക്‌സ് അറിയിച്ചു. യുകാറ്റന്‍ ഉപദ്വീപിന് സമീപമാണ് തീപിടിത്തമുണ്ടായത്.
തീനാളങ്ങള്‍ വെള്ളത്തിന് മുകളിലേക്ക് ഉയര്‍ന്നുവരുന്ന ദൃശ്യങ്ങള്‍ സാമൂഹ്യ മാധ്യമങ്ങളില്‍ വൈറലായി. പുലര്‍ച്ചെ 5.15നുണ്ടായ തീപിടിത്തം 10.30 ആയപ്പോഴേക്കും അണയ്ക്കാനായെന്ന് പെമെക്‌സ് അധികൃതര്‍ അറിയിച്ചു.
കു മലൂബ് സാപ് ഓയില്‍ ഡവലപ്‌മെന്റുമായി പെമെക്‌സിനെ ബന്ധിപ്പിക്കുന്ന പൈപ് ലൈനിലാണ് തീപിടിത്തം ഉണ്ടായത്. അതേസമയം ചോര്‍ച്ച ഉണ്ടായില്ലെന്നാണ് മെക്‌സിക്കോ ഓയില്‍ സേഫ്റ്റി റെഗുലേറ്റര്‍ മേധാവി ഏയ്ഞ്ചല്‍ കരിസേല്‍സ് പറയുന്നത്. സംഭവത്തെക്കുറിച്ച് അന്വേഷണം തുടങ്ങിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates