വീട്ടില്‍ കളിച്ചുകൊണ്ടിരുന്ന കുട്ടിയുടെ നേര്‍ക്ക് കൂറ്റന്‍ രാജവെമ്പാല പാഞ്ഞെടുക്കുന്നതിന്റെ ദൃശ്യങ്ങള്‍ വൈറലാകുന്നു. പാമ്പിനെ കണ്ട് മുത്തച്ഛന്‍ ഒച്ച വെച്ചതോടെ, കുട്ടിയെ എടുത്ത് വീടിന്റെ അകത്തേയ്ക്ക് ഓടി വാതിലടച്ച് അച്ഛന്‍ കുഞ്ഞിനെ രക്ഷിച്ചു. ഇതിന്റെ ദൃശ്യങ്ങള്‍ വ്യാപകമായാണ് പ്രചരിക്കുന്നത്.

വിയറ്റ്‌നാമില്‍ നിന്നുള്ളതാണ് ദൃശ്യങ്ങള്‍. വീടിന്റെ മുന്‍വശത്ത് നിലത്തിരുന്ന് കളിക്കുകയാണ് കുട്ടി. ഈ സമയത്ത് പാമ്പ് കുട്ടിയെ ലക്ഷ്യമാക്കി പാഞ്ഞുവരുന്നത് കണ്ട് മുത്തച്ഛന്‍ ഒച്ചവെയ്ക്കുകയായിരുന്നു. മുത്തച്ഛന്റെ ബഹളം കേട്ട് ഓടിയെത്തിയ അച്ഛന്‍ കുട്ടിയെ എടുത്ത് അകത്തേയ്ക്ക് കൊണ്ടുപോയി വാതിലടച്ചു. 

ഈസമയത്ത് രണ്ട് മീറ്റര്‍ നീളമുള്ള രാജവെമ്പാല അതിവേഗം പാഞ്ഞെടുക്കുന്നത് ദൃശ്യങ്ങളില്‍ വ്യക്തമാണ്. അടച്ച വാതിലിന്റെ ചുറ്റും നിന്ന ശേഷം പാമ്പ് പിന്മാറുന്നതും ദൃശ്യങ്ങളില്‍ വ്യക്തമാണ്. വാതിലിന്റെ അടിയിലൂടെ അകത്തേയ്ക്ക് പ്രവേശിക്കാന്‍ ശ്രമിച്ച് പരാജയപ്പെട്ട ശേഷം ഇത്് പിന്‍വാങ്ങുന്നതാണ് വീഡിയോയുടെ അവസാനം.