ബീജിങ്: മകൻ 29 വയസായിട്ടും കല്യാണം കഴിക്കാത്തതിൽ മനംമടുത്ത് പിതാവ് ആത്മഹത്യക്ക് ശ്രമിച്ചു. ഗുളികകൾ അമിതമായി കഴിച്ചാണ് 55കാരൻ ആത്മഹത്യക്ക് ശ്രമിച്ചത്. ചൈനയിലെ ഷാങ്ഹായി റെയില്‍വേ സ്റ്റേഷന് സമീപം കുഴഞ്ഞുവീണ ഇയാളെ റെയിൽവേ ഗാർഡുകളാണ് രക്ഷിച്ചത്. 

ഇയാളുടെ പക്കലുണ്ടായിരുന്ന ആത്മഹത്യാക്കുറിപ്പിൽ നിന്നാണ് മകൻ വിവാഹം കഴിക്കാത്തതിലെ വിഷമം മൂലമാണ് ജീവനൊടുക്കാൻ ശ്രമിച്ചതെന്ന് വ്യക്തമായത്. മകനെ ഭിസംബോധന ചെയ്തുള്ളതായിരുന്നു കുറുപ്പ്.

"ഗ്രാമത്തിലെ എന്‍റെ പ്രായക്കാര്‍ക്കെല്ലാം മക്കളും പേരക്കുട്ടികളുമായി. പക്ഷേ 29 വയസായിട്ടും നിനക്ക് ഒന്നും നേടാനായിട്ടില്ല" എന്നാണ് കുറുപ്പിൽ ചോദിച്ചരിക്കുന്നത്. മകൻ ഒരു കുടുംബ ജീവിതം ആരംഭിക്കാത്തതിനാൽ താൻ നാണം കെട്ടജീവിതമാണ് നയിക്കുന്നതെന്ന് ഇയാൾ പറഞ്ഞു.