ഉയരം കൂട്ടാനായി 55 ലക്ഷം രൂപയോളം മുടക്കി സര്‍ജറി ചെയ്തിരിക്കുകയാണ് അമേരിക്കയില്‍ ഒരു യുവാവ്. 28കാരനായ അല്‍ഫോണ്‍സോ ഫ്‌ളോര്‍സ് ആണ് കോസ്മറ്റിക് സര്‍ജറിയിലൂടെ ഉയരം കൂട്ടിയത്. അഞ്ച് അടി പതിനൊന്ന് ഇഞ്ചില്‍ നിന്ന് ആറടി ഒരിഞ്ചായാണ് യുവാവിന്റെ പൊക്കം കൂടിയത്. 

ആറ് അടിയേക്കാള്‍ പൊക്കം വേണമെന്ന ആഗ്രഹമാണ് കാല് നീട്ടല്‍ ശസ്ത്രക്രിയയെന്ന ആശയത്തിലേക്കെത്തിയത്. ലാസ് വെഗാസിലെ ഓര്‍ത്തോ സ്‌പെഷ്യാലിറ്റി ആശുപത്രിയിലെ സര്‍ജന്‍ ഡോ കെവിനാണ് ശസ്ത്രക്രിയ നടത്തിയത്. ശസ്ത്രക്രിയയ്ക്ക് മുന്‍പും ശേഷവുമുള്ള ചിത്രങ്ങള്‍ പങ്കുവച്ചാണ് വ്യത്യാസം പുറത്തുവിട്ടത്.