ദുബായ്: ഇന്ത്യയിൽ നിന്നുള്ള കൂടുതൽ ബിസിനസ് സ്ഥാപനങ്ങൾ ഗൾഫ് രാജ്യങ്ങളിൽ ഇൻവെസ്റ്റ് ചെയ്യാൻ ഒരുങ്ങുന്നതായി റിപ്പോർട്ടുകൾ. ദുബായിലാണ് ഏറ്റവും കൂടുതൽ ഇന്ത്യൻ കമ്പനികൾ രജിസ്റ്റർ ചെയ്തിരിക്കുന്നത്. ഈ വർഷം ആദ്യം

ദുബായിലെ ചേംബർ ഓഫ്​ കൊമേഴ്​സിൽ രജിസ്റ്റർ ചെയ്തത്​ 4543 ഇന്ത്യൻ കമ്പനികൾ ആണ്. പാകിസ്ഥാനിൽ നിന്ന് 2154 പുതിയ കമ്പനികൾ ചേംബർ ഓഫ്​ കൊമേഴ്​സിൽ അംഗങ്ങളായി. 1362 കമ്പനികളുമായി ഈജിപ്​ഷ്യൻ കമ്പനികളാണ്​ പട്ടികയിൽ മൂന്നാം സ്ഥാനത്ത്​ ഉള്ളത്.

പുതുതായി രജിസ്​റ്റർ ചെയ്ത കമ്പനികളിൽ 36.2 ശതമാനവും മൊത്ത, ചില്ലറ വ്യാപാര മേഖലയിൽ നിന്നുള്ള കമ്പനികളാണ്. 35.4 ശതമാനം കമ്പനികൾ റിയൽ എസ്​റ്റേറ്റ്​, റെന്‍റിങ്​ ആൻഡ്​ ബിസിനസ്​ സർവിസ്​ മേഖലയിൽ നിന്നുള്ളവയാണ്.

നിർമാണ മേഖലയിൽ നിന്നാണ്​ 16.7 ശതമാനം കമ്പനികൾ രജിസ്റ്റർ ചെയ്തിരിക്കുന്നത്​.

7.7 ശതമാനം കമ്പനികൾ സോഷ്യൽ ആൻഡ്​ പേഴ്​സണൽ സർവിസസ്​ മേഖലയിൽ നിന്നും 7.5 ശതമാനം ട്രാൻസ്​പോർട്ട്​, സ്​റ്റേറേജ്​, കമ്യൂണിക്കേഷൻസ്​ മേഖലകളിൽ നിന്നാണ്​. പുതിയ കമ്പനികൾ നിക്ഷേപമിറക്കാൻ എത്തുന്നതോടെ കൂടുതൽ തൊഴിൽ അവസരങ്ങൾ ഉണ്ടാകുമെന്നാണ് വിലയിരുത്തൽ.