താലിബാന്റെ നിയന്ത്രണത്തിലായ അഫ്ഗാന്‍ ജനതയുടെ വേദനകളും ആശങ്കകളും ലോകം ഏറ്റെടുക്കുന്നതിനിടെ അഫ്ഗാന്‍ പെണ്‍കുട്ടിയുടെ  ഹൃദയം തകര്‍ക്കുന്ന വിഡിയോ സമൂഹമാധ്യമങ്ങളില്‍ വ്യാപകമായി പ്രചരിക്കുന്നു. ഇറാനിയന്‍ മാധ്യമപ്രവര്‍ത്തകനും ആക്റ്റിവിസ്റ്റുമായ മാസിഹ് അലിന്‍ജാദ് ആണ് വിഡിയോ ട്വിറ്ററില്‍ പങ്കുവച്ചത്. 

കണ്ണീര്‍ വാര്‍ത്തുകൊണ്ട് അജ്ഞാതയായ ആ പെണ്‍കുട്ടി പറയുന്നു. 'കരച്ചിലടക്കാന്‍ എനിക്ക് കഴിയുന്നില്ല. ഞങ്ങള്‍ അഫ്ഗാന്‍ മണ്ണില്‍ ജനിച്ചവരാണ്. ആരും ഞങ്ങളെ സഹായിക്കുന്നില്ല, ഇനി ഞങ്ങള്‍ പതുക്കെ ചരിത്രത്തില്‍ നിന്ന് ഇല്ലാതാകും'. 

ഹൃദയസ്പര്‍ശിയായ ഈ വീഡിയോ സമൂഹമാധ്യമങ്ങളില്‍ ഇതിനകം 20 ലക്ഷത്തിലധികം ആളുകളാണ് കണ്ടത്. 17,000ത്തിലധികം തവണ റീട്വീറ്റ് ചെയ്തു. കഴിഞ്ഞ ഞായറാഴ്ചയാണ് അഫ്ഗാന്‍ താലിബാന്‍ പിടിച്ചടക്കിയത്.