കുവൈറ്റ്: കുവൈറ്റില് ഓണ്ലൈന് വഴി വന് മീന് ഓര്ഡര് ചെയ്തവരുടെ ബാങ്ക് അക്കൗണ്ടുകള് കാലിയായി. മലയാളികളടക്കം നിരവധി പേര് തട്ടിപ്പിനിരയായതായാണ് പരാതി. ഓണ്ലൈനില് 50% ഡിസ്കൗണ്ടില് കുവൈറ്റിലെ പ്രമുഖ ഫിഷ് കമ്പനിയുടെ പേരില് വ്യാജ ഫെയ്സ്ബുക്ക് പേജിലൂടെയായിരുന്നു കച്ചവടം.
ഓണ്ലൈന് ആയി ഓര്ഡര് ചെയ്യുന്നവര്ക്ക് കുവൈറ്റിലെ ബാങ്കിങ് പേയ്മെന്റ് ആപ്പിന്റെ രീതിയിലുള്ള പേജില് ബാങ്ക് അക്കൗണ്ട് വിവരങ്ങള് രേഖപ്പെടുത്തിയാല് ഒടിപി നല്കുന്നതോടെ ബാങ്കിലെ മുഴുവന് തുകയും തട്ടിപ്പു സംഘം പിന്വലിക്കും. മലയാളികളടക്കം നിരവധി പേരുടെ ബാങ്ക് അക്കൗണ്ടാണ് കാലിയായത്.
ചെമ്മീന്, സുബൈദി തുടങ്ങിയ മീനുകളുള്പ്പടെ ഫിഷ് ബാര്ബിക്യു പോലുള്ള ഭക്ഷണവും ഇവര് ഓണ്ലൈന് വഴി കച്ചവടം ചെയ്തിരുന്നു. 10 കിലോ വലിയ ചെമ്മീന് 8 ദിനാര് ആണ് ഈടാക്കിയിരുന്നത്. പണം നഷ്ടപ്പെട്ട നിരവധി പേര് പൊലീസില് പരാതി നല്കിയിട്ടുണ്ട്. തട്ടിപ്പു നടത്താന് ഉപയോഗിച്ച ഫെയ്സ്ബുക്ക് പേജ് ഇപ്പോഴും നിലവിലുണ്ട്. നിരവധി പേരാണ് പണം നഷ്ടപ്പെട്ട വിവരം ഇതേ പേജില്തന്നെ കമന്റ് ആയി രേഖപ്പെടുത്തിയിട്ടുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates