മോസ്‌കോ: ഇറാനിലെ ആണവ സൈനിക കേന്ദ്രങ്ങള്‍ക്ക് നേരെ യുഎസ് നടത്തിയ ആക്രമണം ലോകത്തെ വലിയ അപകടത്തിലേക്ക് തള്ളിവിടുന്നതെന്ന് റഷ്യന്‍ പ്രസിഡന്റ് വ്‌ലാദിമിര്‍ പുടിന്‍. ഇറാന് നേരെയുള്ള അമേരിക്കയുടെ ആക്രമണം ഒരു തരത്തിലും ന്യായീകരിക്കാന്‍ കഴിയുന്നതല്ലെന്നും പുടിന്‍ പറഞ്ഞു.

ഇറാന്‍ വിദേശകാര്യ മന്ത്രി അബ്ബാസ് അരഗ്ചിയുമായി നടത്തിയ കൂടിക്കാഴ്ചയിലാണ് പുടിന്‍ ഇക്കാര്യം പറഞ്ഞത്. സംഘര്‍ഷങ്ങളില്‍ ഇറാന്‍ ജനതയെ സഹായിക്കുമെന്നും പുടിന്‍ പറഞ്ഞു. പക്ഷേ എങ്ങനെയെന്ന് അദ്ദേഹം വ്യക്തമാക്കിയിട്ടില്ല.

ഇറാനിലെ ഫൊര്‍ദോ ആണവകേന്ദ്രത്തിന് നേരെ വീണ്ടും ആക്രമണം; ജയിലും വ്യോമതാവളങ്ങളും ലക്ഷ്യമിട്ട് ഇസ്രയേല്‍

ഇറാന്‍ പരമോന്നത നേതാവ് അയത്തൊള്ള അലി ഖമേനിയെ വധിക്കുന്നതിനെക്കുറിച്ചും ഭരണകൂട മാറ്റത്തെക്കുറിച്ചും യുഎസ് പ്രസിഡന്റ് ഡോണള്‍ഡ് ട്രംപും ഇസ്രയേലും ആലോചിക്കുന്നുവെന്ന അഭ്യൂഹങ്ങള്‍ പരക്കുന്നു. ഇത് മുഴുവന്‍ മേഖലയെയും ഒരു വലിയ യുദ്ധത്തിന്റെ അഗാധതയിലേക്ക് തള്ളിവിടുമെന്ന് റഷ്യ പറഞ്ഞു. ഇറാന്റെ പ്രധാന ആണവ കേന്ദ്രങ്ങളായ ഫോര്‍ദോ, നതാന്‍സ്, ഇസ്ഫഹാന്‍ എന്നിവ യുഎസ് ബോംബര്‍ വിമാനങ്ങള്‍ ആക്രമിച്ചതിനു പിന്നാലെയാണ് വിദേശകാര്യ മന്ത്രി അബ്ബാസ് അരഗ്ചി മോസ്‌കോയിലെത്തി പുടിനുമായി കൂടിക്കാഴ്ച നടത്തിയത്.

റഷ്യന്‍ വിദേശകാര്യ മന്ത്രി സെര്‍ജി ലാവ്റോവ്, റഷ്യയുടെ വിദേശനയ സഹായി യൂറി ഉഷാക്കോവ്, റഷ്യയുടെ ജിആര്‍യു സൈനിക രഹസ്യാന്വേഷണ ഏജന്‍സിയുടെ തലവന്‍ ഇഗോര്‍ കോസ്റ്റ്യുക്കോവ് എന്നിവരുടെ സാന്നിധ്യത്തില്‍ ക്രെംലിനില്‍ എത്തിയ ഇറാന്‍ വിദേശകാര്യ മന്ത്രി അബ്ബാസ് അരഗ്ചിയെ പുടിന്‍ സ്വീകരിച്ചു.

'സ്ത്രീകള്‍ ഇന്ത്യയിലേക്ക് ഒറ്റയ്ക്ക് യാത്ര ചെയ്യരുത്'; പൗരന്മാര്‍ക്ക് യുഎസ് മുന്നറിയിപ്പ്