പാമ്പുകളുമായി ബന്ധപ്പെട്ട വീഡിയോകള്‍ക്ക് സോഷ്യല്‍മീഡിയയില്‍ അടക്കം കാഴ്ചക്കാര്‍ ഏറെയാണ്. ഇപ്പോള്‍ ആടിനെ ഒന്നാകെ വിഴുങ്ങിയ പെരുമ്പാമ്പിന്റെ ദൃശ്യങ്ങളാണ് വൈറലാകുന്നത്. 

മലേഷ്യയിലെ ജോഹറിലാണ് സംഭവം നടന്നത്.  ആടിനെ പാര്‍പ്പിച്ചിരുന്ന കൂടിനുള്ളില്‍ കയറി അതിനെ അകത്താക്കിയ ശേഷം അനങ്ങാനാതെ കിടക്കുകയായിരുന്നു പെരുമ്പാമ്പ്. വീട്ടുടമ അറിയിച്ചതിനെ തുടര്‍ന്ന് ഇവിടെയെത്തിയ അഗ്‌നിശമനസേനാ ഉദ്യോഗസ്ഥരാണ് പാമ്പിനെ പിടികൂടി പുറത്തെത്തിച്ചത്.പാമ്പിനെ പിന്നീട് സമീപത്തുള്ള വനത്തില്‍ കൊണ്ടുപോയി സ്വതന്ത്രമാക്കി.

ആറ് മീറ്റര്‍ നീളവും 80 കിലോയോളം തൂക്കവുമുള്ള പാമ്പിനെയാണ് പുറത്തെത്തിച്ചത്. പുറത്തെത്തിച്ചതോടെ പാമ്പ് വിഴുങ്ങിയ ഇരയെ പുറത്തേക്ക് ഛര്‍ദിക്കാന്‍ തുടങ്ങി. വിഴുങ്ങിയ ആടിന്റെ കാലുകള്‍ പുറത്തുവന്നതോടെ സുരക്ഷാജീവനക്കാരിലൊരാള്‍ ആടിന്റെ കാലില്‍ പിടിച്ച് പിന്നോട്ട് വലിച്ചു. 

ഇതോടെ വിഴുങ്ങിയ ആടിന്റെ ഭൂരിഭാഗവും പുറത്തെത്തി.ഏറെ കരുതലോടെയാണ് പാമ്പിന്റെ വായില്‍ നിന്നും ആടിനെ പുറത്തെടുത്തത്.

ഈ വാര്‍ത്ത കൂടി വായിക്കൂ 

നിവർന്ന് നിന്നു! പിന്നാലെ മരത്തിലേക്ക് കുതിച്ചുയർന്ന് കൂറ്റൻ പെരുമ്പാമ്പ്; വൈറൽ വീഡിയോ

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ